១. វិភង្គវារោ

នហេតុបច្ចយោ

៣៥១. អកុសលំ ធម្មំ សំសដ្ឋោ អកុសលោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ សំសដ្ឋោ វិចិកិច្ឆាសហគតោ ឧទ្ធច្ចសហគតោ មោហោ. (១)

អព្យាកតំ ធម្មំ សំសដ្ឋោ អព្យាកតោ ធម្មោ ឧប្បជ្ជតិ នហេតុបច្ចយា – អហេតុកំ វិបាកាព្យាកតំ កិរិយាព្យាកតំ ឯកំ ខន្ធំ សំសដ្ឋា តយោ ខន្ធា, តយោ ខន្ធេ សំសដ្ឋោ ឯកោ ខន្ធោ, ទ្វេ ខន្ធេ សំសដ្ឋា ទ្វេ ខន្ធា; អហេតុកបដិសន្ធិក្ខណេ វិបាកាព្យាកតំ ឯកំ ខន្ធំ សំសដ្ឋា តយោ ខន្ធា, តយោ ខន្ធេ សំសដ្ឋោ ឯកោ ខន្ធោ, ទ្វេ ខន្ធេ សំសដ្ឋា ទ្វេ ខន្ធា. (១)

នអធិបតិអាទិបច្ចយា

៣៥២. កុសលំ ធម្មំ សំសដ្ឋោ កុសលោ ធម្មោ ឧប្បជ្ជតិ នអធិបតិបច្ចយា… នបុរេជាតបច្ចយា – អរូបេ [អារុប្បេ (សព្ពត្ថ)] កុសលំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ សំសដ្ឋា ទ្វេ ខន្ធា. អកុសលំ ធម្មំ…បេ… អព្យាកតំ ធម្មំ…បេ….

នបច្ឆាជាត-នអាសេវនបច្ចយា

៣៥៣. កុសលំ ធម្មំ សំសដ្ឋោ កុសលោ ធម្មោ ឧប្បជ្ជតិ នបច្ឆាជាតបច្ចយា… តីណិ. នអាសេវនបច្ចយា… តីណិ.

នកម្មបច្ចយោ

៣៥៤. កុសលំ ធម្មំ សំសដ្ឋោ កុសលោ ធម្មោ ឧប្បជ្ជតិ នកម្មបច្ចយា. កុសលេ ខន្ធេ សំសដ្ឋា កុសលា ចេតនា. (១)

អកុសលំ ធម្មំ សំសដ្ឋោ អកុសលោ ធម្មោ ឧប្បជ្ជតិ នកម្មបច្ចយា. អកុសលេ ខន្ធេ សំសដ្ឋា អកុសលា ចេតនា. (១)

អព្យាកតំ ធម្មំ សំសដ្ឋោ អព្យាកតោ ធម្មោ ឧប្បជ្ជតិ នកម្មបច្ចយា. កិរិយាព្យាកតេ ខន្ធេ សំសដ្ឋា កិរិយាព្យាកតា ចេតនា. (១)

នវិបាកបច្ចយោ

៣៥៥. កុសលំ ធម្មំ សំសដ្ឋោ…បេ… អកុសលំ ធម្មំ…បេ… អព្យាកតំ ធម្មំ សំសដ្ឋោ អព្យាកតោ ធម្មោ ឧប្បជ្ជតិ នវិបាកបច្ចយា – កិរិយាព្យាកតំ ឯកំ ខន្ធំ.

(សំសដ្ឋវារេ បច្ចនីយវិភង្គេ នកម្មេ ច នវិបាកេ ច បដិសន្ធិ នត្ថិ; អវសេសេសុ សព្ពត្ថ អត្ថិ.)

នឈានបច្ចយោ

៣៥៦. អព្យាកតំ ធម្មំ សំសដ្ឋោ អព្យាកតោ ធម្មោ ឧប្បជ្ជតិ នឈានបច្ចយា – បញ្ចវិញ្ញាណសហគតំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ សំសដ្ឋា ទ្វេ ខន្ធា. (១)

នមគ្គបច្ចយោ

៣៥៧. អព្យាកតំ ធម្មំ សំសដ្ឋោ អព្យាកតោ ធម្មោ ឧប្បជ្ជតិ នមគ្គបច្ចយា – អហេតុកំ វិបាកាព្យាកតំ កិរិយាព្យាកតំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ សំសដ្ឋា ទ្វេ ខន្ធា; អហេតុកបដិសន្ធិក្ខណេ…បេ…. (១)

នវិប្បយុត្តបច្ចយោ

៣៥៨. កុសលំ ធម្មំ សំសដ្ឋោ កុសលោ ធម្មោ ឧប្បជ្ជតិ នវិប្បយុត្តបច្ចយា – អរូបេ កុសលំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ សំសដ្ឋា ទ្វេ ខន្ធា. (១)

អកុសលំ ធម្មំ សំសដ្ឋោ អកុសលោ ធម្មោ ឧប្បជ្ជតិ នវិប្បយុត្តបច្ចយា – អរូបេ អកុសលំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ សំសដ្ឋា ទ្វេ ខន្ធា. (១)

អព្យាកតំ ធម្មំ សំសដ្ឋោ អព្យាកតោ ធម្មោ ឧប្បជ្ជតិ នវិប្បយុត្តបច្ចយា – អរូបេ វិបាកាព្យាកតំ កិរិយាព្យាកតំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ សំសដ្ឋា ទ្វេ ខន្ធា. (នវិប្បយុត្តេ បដិសន្ធិ នត្ថិ.) (១)