១. វិភង្គវារោ

ហេតុបច្ចយោ

៣៣៨. កុសលំ ធម្មំ សំសដ្ឋោ កុសលោ ធម្មោ ឧប្បជ្ជតិ ហេតុបច្ចយា – កុសលំ ឯកំ ខន្ធំ សំសដ្ឋា តយោ ខន្ធា, តយោ ខន្ធេ សំសដ្ឋោ ឯកោ ខន្ធោ, ទ្វេ ខន្ធេ សំសដ្ឋា ទ្វេ ខន្ធា. (១)

អកុសលំ ធម្មំ សំសដ្ឋោ អកុសលោ ធម្មោ ឧប្បជ្ជតិ ហេតុបច្ចយា – អកុសលំ ឯកំ ខន្ធំ សំសដ្ឋា តយោ ខន្ធា, តយោ ខន្ធេ សំសដ្ឋោ ឯកោ ខន្ធោ, ទ្វេ ខន្ធេ សំសដ្ឋា ទ្វេ ខន្ធា. (១)

អព្យាកតំ ធម្មំ សំសដ្ឋោ អព្យាកតោ ធម្មោ ឧប្បជ្ជតិ ហេតុបច្ចយា – វិបាកាព្យាកតំ កិរិយាព្យាកតំ ឯកំ ខន្ធំ សំសដ្ឋា តយោ ខន្ធា, តយោ ខន្ធេ សំសដ្ឋោ ឯកោ ខន្ធោ, ទ្វេ ខន្ធេ សំសដ្ឋា ទ្វេ ខន្ធា; បដិសន្ធិក្ខណេ វិបាកាព្យាកតំ ឯកំ ខន្ធំ សំសដ្ឋា តយោ ខន្ធា, តយោ ខន្ធេ សំសដ្ឋោ ឯកោ ខន្ធោ, ទ្វេ ខន្ធេ សំសដ្ឋា ទ្វេ ខន្ធា. (១)

អារម្មណាទិបច្ចយា

៣៣៩. កុសលំ ធម្មំ សំសដ្ឋោ កុសលោ ធម្មោ ឧប្បជ្ជតិ អារម្មណបច្ចយា… អធិបតិបច្ចយា… (អធិបតិ បដិសន្ធិក្ខណេ នត្ថិ.) អនន្តរបច្ចយា… សមនន្តរបច្ចយា… សហជាតបច្ចយា… អញ្ញមញ្ញបច្ចយា… និស្សយបច្ចយា… ឧបនិស្សយបច្ចយា. (សព្ពានិ បទានិ ហេតុមូលកសទិសានិ).

បុរេជាតបច្ចយោ

៣៤០. កុសលំ ធម្មំ សំសដ្ឋោ កុសលោ ធម្មោ ឧប្បជ្ជតិ បុរេជាតបច្ចយា – កុសលំ ឯកំ ខន្ធំ សំសដ្ឋា តយោ ខន្ធា, តយោ ខន្ធេ សំសដ្ឋោ ឯកោ ខន្ធោ, ទ្វេ ខន្ធេ សំសដ្ឋា ទ្វេ ខន្ធា, វត្ថុំ បុរេជាតបច្ចយា. (១)

អកុសលំ ធម្មំ សំសដ្ឋោ អកុសលោ ធម្មោ ឧប្បជ្ជតិ បុរេជាតបច្ចយា – អកុសលំ ឯកំ ខន្ធំ សំសដ្ឋា តយោ ខន្ធា, តយោ ខន្ធេ សំសដ្ឋោ ឯកោ ខន្ធោ, ទ្វេ ខន្ធេ សំសដ្ឋា ទ្វេ ខន្ធា; វត្ថុំ បុរេជាតបច្ចយា. (១)

អព្យាកតំ ធម្មំ សំសដ្ឋោ អព្យាកតោ ធម្មោ ឧប្បជ្ជតិ បុរេជាតបច្ចយា – វិបាកាព្យាកតំ កិរិយាព្យាកតំ ឯកំ ខន្ធំ សំសដ្ឋា តយោ ខន្ធា, តយោ ខន្ធេ សំសដ្ឋោ ឯកោ ខន្ធោ, ទ្វេ ខន្ធេ សំសដ្ឋា ទ្វេ ខន្ធា; វត្ថុំ បុរេជាតបច្ចយា. (១)

អាសេវនបច្ចយោ

៣៤១. កុសលំ ធម្មំ សំសដ្ឋោ…បេ… អកុសលំ ធម្មំ…បេ… អព្យាកតំ ធម្មំ សំសដ្ឋោ អព្យាកតោ ធម្មោ ឧប្បជ្ជតិ អាសេវនបច្ចយា – កិរិយាព្យាកតំ ឯកំ ខន្ធំ សំសដ្ឋា…បេ….

កម្មបច្ចយោ

៣៤២. កុសលំ ធម្មំ សំសដ្ឋោ កុសលោ ធម្មោ ឧប្បជ្ជតិ កម្មបច្ចយា…បេ… អកុសលំ ធម្មំ សំសដ្ឋោ…បេ… អព្យាកតំ ធម្មំ សំសដ្ឋោ…បេ….

វិបាកបច្ចយោ

៣៤៣. អព្យាកតំ ធម្មំ សំសដ្ឋោ អព្យាកតោ ធម្មោ ឧប្បជ្ជតិ វិបាកបច្ចយា – វិបាកាព្យាកតំ…បេ….

អាហារាទិបច្ចយា

៣៤៤. កុសលំ ធម្មំ សំសដ្ឋោ កុសលោ ធម្មោ ឧប្បជ្ជតិ អាហារបច្ចយា… ឥន្ទ្រិយបច្ចយា … ឈានបច្ចយា… មគ្គបច្ចយា… សម្បយុត្តបច្ចយា. (ឥមានិ បទានិ ហេតុបច្ចយសទិសានិ.)

វិប្បយុត្តបច្ចយោ

៣៤៥. កុសលំ ធម្មំ សំសដ្ឋោ កុសលោ ធម្មោ ឧប្បជ្ជតិ វិប្បយុត្តបច្ចយា – កុសលំ ឯកំ ខន្ធំ សំសដ្ឋា តយោ ខន្ធា…បេ… ទ្វេ ខន្ធេ សំសដ្ឋា ទ្វេ ខន្ធា; វត្ថុំ វិប្បយុត្តបច្ចយា.

អកុសលំ ធម្មំ…បេ… វត្ថុំ វិប្បយុត្តបច្ចយា.

អព្យាកតំ ធម្មំ…បេ… វត្ថុំ វិប្បយុត្តបច្ចយា.

អត្ថិអាទិបច្ចយា

៣៤៦. កុសលំ ធម្មំ សំសដ្ឋោ កុសលោ ធម្មោ ឧប្បជ្ជតិ អត្ថិបច្ចយា… នត្ថិបច្ចយា… វិគតបច្ចយា… អវិគតបច្ចយា (ហេតុបច្ចយសទិសំ).