១. វិភង្គវារោ

ហេតុបច្ចយោ

៣២៩. កុសលំ ធម្មំ និស្សាយ កុសលោ ធម្មោ ឧប្បជ្ជតិ ហេតុបច្ចយា – កុសលំ ឯកំ ខន្ធំ និស្សាយ តយោ ខន្ធា, តយោ ខន្ធេ និស្សាយ ឯកោ ខន្ធោ, ទ្វេ ខន្ធេ និស្សាយ ទ្វេ ខន្ធា. កុសលំ ធម្មំ និស្សាយ អព្យាកតោ ធម្មោ ឧប្បជ្ជតិ ហេតុបច្ចយា – កុសលេ ខន្ធេ និស្សាយ ចិត្តសមុដ្ឋានំ រូបំ. កុសលំ ធម្មំ និស្សាយ កុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា. កុសលំ ឯកំ ខន្ធំ និស្សាយ តយោ ខន្ធា ចិត្តសមុដ្ឋានញ្ច រូបំ, តយោ ខន្ធេ និស្សាយ ឯកោ ខន្ធោ ចិត្តសមុដ្ឋានញ្ច រូបំ, ទ្វេ ខន្ធេ និស្សាយ ទ្វេ ខន្ធា ចិត្តសមុដ្ឋានញ្ច រូបំ. (៣)

៣៣០. អកុសលំ ធម្មំ និស្សាយ អកុសលោ ធម្មោ ឧប្បជ្ជតិ ហេតុបច្ចយា – អកុសលំ ឯកំ ខន្ធំ និស្សាយ តយោ ខន្ធា…បេ… ទ្វេ ខន្ធេ និស្សាយ ទ្វេ ខន្ធា. អកុសលំ ធម្មំ និស្សាយ អព្យាកតោ ធម្មោ ឧប្បជ្ជតិ ហេតុបច្ចយា – អកុសលេ ខន្ធេ និស្សាយ ចិត្តសមុដ្ឋានំ រូបំ. អកុសលំ ធម្មំ និស្សាយ អកុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា – អកុសលំ ឯកំ ខន្ធំ និស្សាយ តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ និស្សាយ ទ្វេ ខន្ធា ចិត្តសមុដ្ឋានញ្ច រូបំ. (៣)

៣៣១. អព្យាកតំ ធម្មំ និស្សាយ អព្យាកតោ ធម្មោ ឧប្បជ្ជតិ ហេតុបច្ចយា – វិបាកាព្យាកតំ កិរិយាព្យាកតំ ឯកំ ខន្ធំ និស្សាយ តយោ ខន្ធា ចិត្តសមុដ្ឋានញ្ច រូបំ, តយោ ខន្ធេ និស្សាយ ឯកោ ខន្ធោ ចិត្តសមុដ្ឋានញ្ច រូបំ, ទ្វេ ខន្ធេ និស្សាយ ទ្វេ ខន្ធា ចិត្តសមុដ្ឋានញ្ច រូបំ; បដិសន្ធិក្ខណេ វិបាកាព្យាកតំ ឯកំ ខន្ធំ និស្សាយ តយោ ខន្ធា កដត្តា ច រូបំ, តយោ ខន្ធេ និស្សាយ ឯកោ ខន្ធោ កដត្តា ច រូបំ, ទ្វេ ខន្ធេ និស្សាយ ទ្វេ ខន្ធា កដត្តា ច រូបំ; ខន្ធេ និស្សាយ វត្ថុ, វត្ថុំ និស្សាយ ខន្ធា; ឯកំ មហាភូតំ និស្សាយ តយោ មហាភូតា, តយោ មហាភូតេ និស្សាយ ឯកំ មហាភូតំ, ទ្វេ មហាភូតេ និស្សាយ ទ្វេ មហាភូតា, មហាភូតេ និស្សាយ ចិត្តសមុដ្ឋានំ រូបំ កដត្តារូបំ ឧបាទារូបំ; វត្ថុំ និស្សាយ វិបាកាព្យាកតា កិរិយាព្យាកតា ខន្ធា. (១)

អព្យាកតំ ធម្មំ និស្សាយ កុសលោ ធម្មោ ឧប្បជ្ជតិ ហេតុបច្ចយា – វត្ថុំ និស្សាយ កុសលា ខន្ធា. (២)

អព្យាកតំ ធម្មំ និស្សាយ អកុសលោ ធម្មោ ឧប្បជ្ជតិ ហេតុបច្ចយា – វត្ថុំ និស្សាយ អកុសលា ខន្ធា. (៣)

អព្យាកតំ ធម្មំ និស្សាយ កុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា – វត្ថុំ និស្សាយ កុសលា ខន្ធា, មហាភូតេ និស្សាយ ចិត្តសមុដ្ឋានំ រូបំ. (៤)

អព្យាកតំ ធម្មំ និស្សាយ អកុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា – វត្ថុំ និស្សាយ អកុសលា ខន្ធា, មហាភូតេ និស្សាយ ចិត្តសមុដ្ឋានំ រូបំ. (៥)

៣៣២. កុសលញ្ច អព្យាកតញ្ច ធម្មំ និស្សាយ កុសលោ ធម្មោ ឧប្បជ្ជតិ ហេតុបច្ចយា – កុសលំ ឯកំ ខន្ធញ្ច វត្ថុញ្ច និស្សាយ តយោ ខន្ធា…បេ… ទ្វេ ខន្ធេ ច វត្ថុញ្ច និស្សាយ ទ្វេ ខន្ធា. កុសលញ្ច អព្យាកតញ្ច ធម្មំ និស្សាយ អព្យាកតោ ធម្មោ ឧប្បជ្ជតិ ហេតុបច្ចយា – កុសលេ ខន្ធេ ច មហាភូតេ ច និស្សាយ ចិត្តសមុដ្ឋានំ រូបំ. កុសលញ្ច អព្យាកតញ្ច ធម្មំ និស្សាយ កុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា – កុសលំ ឯកំ ខន្ធញ្ច វត្ថុញ្ច និស្សាយ តយោ ខន្ធា…បេ… ទ្វេ ខន្ធេ ច វត្ថុញ្ច និស្សាយ ទ្វេ ខន្ធា, កុសលេ ខន្ធេ ច មហាភូតេ ច និស្សាយ ចិត្តសមុដ្ឋានំ រូបំ. (៣)

អកុសលញ្ច អព្យាកតញ្ច ធម្មំ និស្សាយ អកុសលោ ធម្មោ ឧប្បជ្ជតិ ហេតុបច្ចយា – អកុសលំ ឯកំ ខន្ធញ្ច វត្ថុញ្ច និស្សាយ តយោ ខន្ធា …បេ… ទ្វេ ខន្ធេ ច វត្ថុញ្ច និស្សាយ ទ្វេ ខន្ធា. អកុសលញ្ច អព្យាកតញ្ច ធម្មំ និស្សាយ អព្យាកតោ ធម្មោ ឧប្បជ្ជតិ ហេតុបច្ចយា – អកុសលេ ខន្ធេ ច មហាភូតេ ច និស្សាយ ចិត្តសមុដ្ឋានំ រូបំ. អកុសលញ្ច អព្យាកតញ្ច ធម្មំ និស្សាយ អកុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា – អកុសលំ ឯកំ ខន្ធញ្ច វត្ថុញ្ច និស្សាយ តយោ ខន្ធា…បេ… ទ្វេ ខន្ធេ ច វត្ថុញ្ច និស្សាយ ទ្វេ ខន្ធា, អកុសលេ ខន្ធេ ច មហាភូតេ ច និស្សាយ ចិត្តសមុដ្ឋានំ រូបំ. (៣)

(យថា បច្ចយវារេ, ឯវំ វិត្ថារេតព្ពំ.)