៣. បច្ចយានុលោមបច្ចនីយំ

ហេតុទុកំ

២៩៧. ហេតុបច្ចយា នអារម្មណេ បញ្ច, នអធិបតិយា សត្តរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ សត្ត, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច.

តិកំ

ហេតុបច្ចយា អារម្មណបច្ចយា នអធិបតិយា សត្ត, នបុរេជាតេ តីណិ, នបច្ឆាជាតេ សត្ត, នអាសេវនេ សត្ត, នកម្មេ សត្ត, នវិបាកេ សត្ត, នវិប្បយុត្តេ តីណិ…បេ….

ឯកាទសកំ

ហេតុបច្ចយា អារម្មណបច្ចយា អធិបតិបច្ចយា អនន្តរបច្ចយា សមនន្តរបច្ចយា សហជាតបច្ចយា អញ្ញមញ្ញបច្ចយា និស្សយបច្ចយា ឧបនិស្សយបច្ចយា បុរេជាតបច្ចយា នបច្ឆាជាតេ សត្ត, នអាសេវនេ សត្ត, នកម្មេ សត្ត, នវិបាកេ សត្ត.

ទ្វាទសកំ (សាសេវនំ)

ហេតុបច្ចយា អារម្មណបច្ចយា…បេ… បុរេជាតបច្ចយា អាសេវនបច្ចយា នបច្ឆាជាតេ សត្ត, នកម្មេ សត្ត, នវិបាកេ សត្ត…បេ….

តេវីសកំ (សាសេវនំ)

ហេតុបច្ចយា អារម្មណបច្ចយា…បេ… បុរេជាតបច្ចយា អាសេវនបច្ចយា កម្មបច្ចយា អាហារបច្ចយា ឥន្ទ្រិយបច្ចយា ឈានបច្ចយា មគ្គបច្ចយា សម្បយុត្តបច្ចយា វិប្បយុត្តបច្ចយា អត្ថិបច្ចយា នត្ថិបច្ចយា វិគតបច្ចយា អវិគតបច្ចយា នបច្ឆាជាតេ សត្ត, នវិបាកេ សត្ត.

តេរសកំ (សវិបាកំ)

ហេតុបច្ចយា អារម្មណបច្ចយា…បេ… បុរេជាតបច្ចយា កម្មបច្ចយា វិបាកបច្ចយា នបច្ឆាជាតេ ឯកំ, នអាសេវនេ ឯកំ.

តេវីសកំ (សវិបាកំ)

ហេតុបច្ចយា អារម្មណបច្ចយា…បេ… បុរេជាតបច្ចយា កម្មបច្ចយា វិបាកបច្ចយា អាហារបច្ចយា…បេ… អវិគតបច្ចយា នបច្ឆាជាតេ ឯកំ, នអាសេវនេ ឯកំ.

អារម្មណទុកំ

២៩៨. អារម្មណបច្ចយា នហេតុយា ចត្តារិ, នអធិបតិយា សត្ត, នបុរេជាតេ តីណិ, នបច្ឆាជាតេ សត្ត, នអាសេវនេ សត្ត, នកម្មេ សត្ត, នវិបាកេ សត្ត, នឈានេ ឯកំ, នមគ្គេ ឯកំ, នវិប្បយុត្តេ តីណិ.

តិកំ

អារម្មណបច្ចយា ហេតុបច្ចយា នអធិបតិយា សត្ត, នបុរេជាតេ តីណិ, នបច្ឆាជាតេ សត្ត, នអាសេវនេ សត្ត, នកម្មេ សត្ត, នវិបាកេ សត្ត, នវិប្បយុត្តេ តីណិ.

(យថា ហេតុមូលកំ, ឯវំ គណេតព្ពំ.)

អធិបតិទុកំ

២៩៩. អធិបតិបច្ចយា នអារម្មណេ បញ្ច, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ សត្ត, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច.

អធិបតិបច្ចយា ហេតុបច្ចយា. (សំខិត្តំ.)

អនន្តរបច្ចយា… សមនន្តរបច្ចយា.

(យថា អារម្មណមូលកំ, ឯវំ វិត្ថារេតព្ពំ.)

សហជាតទុកំ

៣០០. សហជាតបច្ចយា នហេតុយា ចត្តារិ, នអារម្មណេ បញ្ច, នអធិបតិយា សត្តរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ សត្ត, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច.

តិកំ

សហជាតបច្ចយា ហេតុបច្ចយា នអារម្មណេ បញ្ច, (សំខិត្តំ) នវិបាកេ សត្តរស, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច.

សហជាតបច្ចយា ហេតុបច្ចយា អារម្មណបច្ចយា. (សំខិត្តំ.)

អញ្ញមញ្ញទុកំ

៣០១. អញ្ញមញ្ញបច្ចយា នហេតុយា ចត្តារិ, នអារម្មណេ ឯកំ, នអធិបតិយា សត្ត, នអនន្តរេ ឯកំ, នសមនន្តរេ ឯកំ, នឧបនិស្សយេ ឯកំ, នបុរេជាតេ តីណិ, នបច្ឆាជាតេ សត្ត, នអាសេវនេ សត្ត, នកម្មេ សត្ត, នវិបាកេ សត្ត, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ ឯកំ, នវិប្បយុត្តេ តីណិ, នោនត្ថិយា ឯកំ, នោវិគតេ ឯកំ.

តិកំ

អញ្ញមញ្ញបច្ចយា ហេតុបច្ចយា នអារម្មណេ ឯកំ, នអធិបតិយា សត្ត, នអនន្តរេ ឯកំ, នសមនន្តរេ ឯកំ, នឧបនិស្សយេ ឯកំ, នបុរេជាតេ តីណិ, នបច្ឆាជាតេ សត្ត, នអាសេវនេ សត្ត, នកម្មេ សត្ត, នវិបាកេ សត្ត, នសម្បយុត្តេ ឯកំ, នវិប្បយុត្តេ តីណិ, នោនត្ថិយា ឯកំ, នោវិគតេ ឯកំ.

ចតុក្កំ

អញ្ញមញ្ញបច្ចយា ហេតុបច្ចយា អារម្មណបច្ចយា នអធិបតិយា សត្ត. (សំខិត្តំ.)

និស្សយទុកំ

៣០២. និស្សយបច្ចយា នហេតុយា ចត្តារិ. (និស្សយបច្ចយា យថា សហជាតបច្ចយា.)

ឧបនិស្សយទុកំ

៣០៣. ឧបនិស្សយបច្ចយា នហេតុយា ចត្តារិ. (ឧបនិស្សយបច្ចយា អារម្មណបច្ចយសទិសំ.)

បុរេជាតទុកំ

៣០៤. បុរេជាតបច្ចយា នហេតុយា ចត្តារិ, នអធិបតិយា សត្ត, នបច្ឆាជាតេ សត្ត, នអាសេវនេ សត្ត, នកម្មេ សត្ត, នវិបាកេ សត្ត, នឈានេ ឯកំ, នមគ្គេ ឯកំ.

បុរេជាតបច្ចយា ហេតុបច្ចយា…បេ….

អាសេវនទុកំ

៣០៥. អាសេវនបច្ចយា នហេតុយា ចត្តារិ, នអធិបតិយា សត្ត, នបុរេជាតេ តីណិ, នបច្ឆាជាតេ សត្ត, នកម្មេ សត្ត, នវិបាកេ សត្ត, នមគ្គេ ឯកំ, នវិប្បយុត្តេ តីណិ.

តិកំ

អាសេវនបច្ចយា ហេតុបច្ចយា នអធិបតិយា សត្ត, នបុរេជាតេ តីណិ, នបច្ឆាជាតេ សត្ត, នកម្មេ សត្ត, នវិបាកេ សត្ត, នវិប្បយុត្តេ តីណិ.

ចតុក្កំ

៣០៦. អាសេវនបច្ចយា ហេតុបច្ចយា អារម្មណបច្ចយា នអធិបតិយា សត្ត. (សំខិត្តំ.)

តេវីសកំ

អាសេវនបច្ចយា ហេតុបច្ចយា…បេ… បុរេជាតបច្ចយា កម្មបច្ចយា អាហារបច្ចយា…បេ… អវិគតបច្ចយា នបច្ឆាជាតេ សត្ត, នវិបាកេ សត្ត.

កម្មទុកំ

៣០៧. កម្មបច្ចយា នហេតុយា ចត្តារិ, នអារម្មណេ បញ្ច, នអធិបតិយា សត្តរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ សត្ត, នបច្ឆាជាតេ សត្តរស, នអាសេវនេ សត្តរស, នវិបាកេ សត្តរស, នអាហារេ ឯកំ, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច.

តិកំ

កម្មបច្ចយា ហេតុបច្ចយា នអារម្មណេ បញ្ច…បេ… នវិបាកេ សត្តរស, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច. (សំខិត្តំ.)

វិបាកទុកំ

៣០៨. វិបាកបច្ចយា នហេតុយា ឯកំ, នអារម្មណេ ឯកំ, នអធិបតិយា ឯកំ, នអនន្តរេ ឯកំ, នសមនន្តរេ ឯកំ, នអញ្ញមញ្ញេ ឯកំ, នឧបនិស្សយេ ឯកំ, នបុរេជាតេ ឯកំ, នបច្ឆាជាតេ ឯកំ, នអាសេវនេ ឯកំ, នឈានេ ឯកំ, នមគ្គេ ឯកំ, នសម្បយុត្តេ ឯកំ, នវិប្បយុត្តេ ឯកំ, នោនត្ថិយា ឯកំ, នោវិគតេ ឯកំ.

តិកំ

វិបាកបច្ចយា ហេតុបច្ចយា នអារម្មណេ ឯកំ, នអធិបតិយា ឯកំ, នអនន្តរេ ឯកំ, នសមនន្តរេ ឯកំ, នអញ្ញមញ្ញេ ឯកំ, នឧបនិស្សយេ ឯកំ, នបុរេជាតេ ឯកំ, នបច្ឆាជាតេ ឯកំ, នអាសេវនេ ឯកំ, នសម្បយុត្តេ ឯកំ, នវិប្បយុត្តេ ឯកំ, នោនត្ថិយា ឯកំ, នោវិគតេ ឯកំ…បេ….

ទ្វាទសកំ

វិបាកបច្ចយា ហេតុបច្ចយា អារម្មណបច្ចយា…បេ… បុរេជាតបច្ចយា នបច្ឆាជាតេ ឯកំ, នអាសេវនេ ឯកំ…បេ….

តេវីសកំ

វិបាកបច្ចយា ហេតុបច្ចយា…បេ… បុរេជាតបច្ចយា កម្មបច្ចយា អាហារបច្ចយា…បេ… អវិគតបច្ចយា នបច្ឆាជាតេ ឯកំ, នអាសេវនេ ឯកំ.

អាហារទុកំ

៣០៩. អាហារបច្ចយា នហេតុយា ចត្តារិ, នអារម្មណេ បញ្ច, នអធិបតិយា សត្តរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ សត្ត, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នឥន្ទ្រិយេ ឯកំ, នឈានេ ឯកំ, នមគ្គេ ឯកំ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច.

តិកំ

អាហារបច្ចយា ហេតុបច្ចយា នអារម្មណេ បញ្ច…បេ… នវិបាកេ សត្តរស, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច. (សំខិត្តំ.)

ឥន្ទ្រិយទុកំ

៣១០. ឥន្ទ្រិយបច្ចយា នហេតុយា ចត្តារិ, នអារម្មណេ បញ្ច…បេ… នវិបាកេ សត្តរស, នអាហារេ ឯកំ, នឈានេ ឯកំ, នមគ្គេ ឯកំ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច, ឥន្ទ្រិយបច្ចយា ហេតុបច្ចយា. (សំខិត្តំ.)

ឈានទុកំ

៣១១. ឈានបច្ចយា នហេតុយា ចត្តារិ, នអារម្មណេ បញ្ច…បេ… នវិបាកេ សត្តរស, នមគ្គេ ឯកំ, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច, ឈានបច្ចយា ហេតុបច្ចយា. (សំខិត្តំ.)

មគ្គទុកំ

៣១២. មគ្គបច្ចយា នហេតុយា តីណិ, នអារម្មណេ បញ្ច…បេ… នវិបាកេ សត្តរស, នសម្បយុត្តេ បញ្ច, នវិប្បយុត្តេ តីណិ, នោនត្ថិយា បញ្ច, នោវិគតេ បញ្ច.

មគ្គបច្ចយា ហេតុបច្ចយា នអារម្មណេ បញ្ច. (សំខិត្តំ.)

សម្បយុត្តបច្ចយា (អារម្មណបច្ចយសទិសំ).

វិប្បយុត្តទុកំ

៣១៣. វិប្បយុត្តបច្ចយា នហេតុយា ចត្តារិ, នអារម្មណេ បញ្ច, នអធិបតិយា សត្តរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ បញ្ច, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នឈានេ ឯកំ, នមគ្គេ ឯកំ, នសម្បយុត្តេ បញ្ច, នោនត្ថិយា បញ្ច, នោវិគតេ បញ្ច.

តិកំ

វិប្បយុត្តបច្ចយា ហេតុបច្ចយា នអារម្មណេ បញ្ច, នអធិបតិយា សត្តរស, នអនន្តរេ បញ្ច, នសមនន្តរេ បញ្ច, នអញ្ញមញ្ញេ បញ្ច, នឧបនិស្សយេ បញ្ច, នបុរេជាតេ បញ្ច, នបច្ឆាជាតេ សត្តរស, នអាសេវនេ សត្តរស, នកម្មេ សត្ត, នវិបាកេ សត្តរស, នសម្បយុត្តេ បញ្ច, នោនត្ថិយា បញ្ច, នោវិគតេ បញ្ច.

ចតុក្កំ

វិប្បយុត្តបច្ចយា ហេតុបច្ចយា អារម្មណបច្ចយា នអធិបតិយា សត្ត, នបុរេជាតេ ឯកំ, នបច្ឆាជាតេ សត្ត, នអាសេវនេ សត្ត, នកម្មេ សត្ត, នវិបាកេ សត្ត.

បញ្ចកំ

វិប្បយុត្តបច្ចយា ហេតុបច្ចយា អារម្មណបច្ចយា អធិបតិបច្ចយា នបច្ឆាជាតេ សត្ត, នអាសេវនេ សត្ត, នកម្មេ សត្ត, នវិបាកេ សត្ត…បេ….

តេរសកំ (សាសេវនំ)

វិប្បយុត្តបច្ចយា ហេតុបច្ចយា អារម្មណបច្ចយា អធិបតិបច្ចយា…បេ… បុរេជាតបច្ចយា អាសេវនបច្ចយា នបច្ឆាជាតេ សត្ត, នកម្មេ សត្ត, នវិបាកេ សត្ត.

តេវីសកំ (សាសេវនំ)

វិប្បយុត្តបច្ចយា ហេតុបច្ចយា…បេ… អាសេវនបច្ចយា កម្មបច្ចយា អាហារបច្ចយា…បេ… អវិគតបច្ចយា នបច្ឆាជាតេ សត្ត, នវិបាកេ សត្ត.

ចុទ្ទសកំ (សវិបាកំ)

វិប្បយុត្តបច្ចយា ហេតុបច្ចយា អារម្មណបច្ចយា. (សំខិត្តំ.) បុរេជាតបច្ចយា កម្មបច្ចយា វិបាកបច្ចយា នបច្ឆាជាតេ ឯកំ, នអាសេវនេ ឯកំ.

តេវីសកំ (សវិបាកំ)

វិប្បយុត្តបច្ចយា ហេតុបច្ចយា…បេ… បុរេជាតបច្ចយា កម្មបច្ចយា វិបាកបច្ចយា អាហារបច្ចយា. (សំខិត្តំ) អវិគតបច្ចយា នបច្ឆាជាតេ ឯកំ, នអាសេវនេ ឯកំ.

អត្ថិបច្ចយា… (សហជាតបច្ចយសទិសំ).

នត្ថិបច្ចយា វិគតបច្ចយា… (អារម្មណបច្ចយសទិសំ).

អវិគតបច្ចយា… (សហជាតបច្ចយសទិសំ).

បច្ចយវារេ អនុលោមបច្ចនីយំ.