១. វិភង្គវារោ

ហេតុបច្ចយោ

២៤៣. កុសលំ ធម្មំ បច្ចយា កុសលោ ធម្មោ ឧប្បជ្ជតិ ហេតុបច្ចយា – កុសលំ ឯកំ ខន្ធំ បច្ចយា តយោ ខន្ធា, តយោ ខន្ធេ បច្ចយា ឯកោ ខន្ធោ, ទ្វេ ខន្ធេ បច្ចយា ទ្វេ ខន្ធា. កុសលំ ធម្មំ បច្ចយា អព្យាកតោ ធម្មោ ឧប្បជ្ជតិ ហេតុបច្ចយា – កុសលេ ខន្ធេ បច្ចយា ចិត្តសមុដ្ឋានំ រូបំ. កុសលំ ធម្មំ បច្ចយា កុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា – កុសលំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ, តយោ ខន្ធេ បច្ចយា ឯកោ ខន្ធោ ចិត្តសមុដ្ឋានញ្ច រូបំ, ទ្វេ ខន្ធេ បច្ចយា ទ្វេ ខន្ធា ចិត្តសមុដ្ឋានញ្ច រូបំ. (៣)

២៤៤. អកុសលំ ធម្មំ បច្ចយា អកុសលោ ធម្មោ ឧប្បជ្ជតិ ហេតុបច្ចយា – អកុសលំ ឯកំ ខន្ធំ បច្ចយា តយោ ខន្ធា, តយោ ខន្ធេ បច្ចយា ឯកោ ខន្ធោ, ទ្វេ ខន្ធេ បច្ចយា ទ្វេ ខន្ធា. អកុសលំ ធម្មំ បច្ចយា អព្យាកតោ ធម្មោ ឧប្បជ្ជតិ ហេតុបច្ចយា – អកុសលេ ខន្ធេ បច្ចយា ចិត្តសមុដ្ឋានំ រូបំ. អកុសលំ ធម្មំ បច្ចយា អកុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា – អកុសលំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ, តយោ ខន្ធេ បច្ចយា ឯកោ ខន្ធោ ចិត្តសមុដ្ឋានញ្ច រូបំ, ទ្វេ ខន្ធេ បច្ចយា ទ្វេ ខន្ធា ចិត្តសមុដ្ឋានញ្ច រូបំ. (៣)

២៤៥. អព្យាកតំ ធម្មំ បច្ចយា អព្យាកតោ ធម្មោ ឧប្បជ្ជតិ ហេតុបច្ចយា – វិបាកាព្យាកតំ កិរិយាព្យាកតំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ, តយោ ខន្ធេ បច្ចយា ឯកោ ខន្ធោ ចិត្តសមុដ្ឋានញ្ច រូបំ, ទ្វេ ខន្ធេ បច្ចយា ទ្វេ ខន្ធា ចិត្តសមុដ្ឋានញ្ច រូបំ; បដិសន្ធិក្ខណេ វិបាកាព្យាកតំ ឯកំ ខន្ធំ បច្ចយា តយោ ខន្ធា កដត្តា ច រូបំ, តយោ ខន្ធេ បច្ចយា ឯកោ ខន្ធោ កដត្តា ច រូបំ, ទ្វេ ខន្ធេ បច្ចយា ទ្វេ ខន្ធា កដត្តា ច រូបំ; ខន្ធេ បច្ចយា វត្ថុ, វត្ថុំ បច្ចយា ខន្ធា; ឯកំ មហាភូតំ បច្ចយា តយោ មហាភូតា, តយោ មហាភូតេ បច្ចយា ឯកំ មហាភូតំ, ទ្វេ មហាភូតេ បច្ចយា ទ្វេ មហាភូតា, មហាភូតេ បច្ចយា ចិត្តសមុដ្ឋានំ រូបំ កដត្តារូបំ ឧបាទារូបំ; វត្ថុំ បច្ចយា វិបាកាព្យាកតា កិរិយាព្យាកតា ខន្ធា. (១)

អព្យាកតំ ធម្មំ បច្ចយា កុសលោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា កុសលា ខន្ធា. (២)

អព្យាកតំ ធម្មំ បច្ចយា អកុសលោ ធម្មោ ឧប្បជ្ជតិ ហេតុបច្ចយា – វត្ថុំ បច្ចយា អកុសលា ខន្ធា. (៣)

អព្យាកតំ ធម្មំ បច្ចយា កុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា កុសលា ខន្ធា, មហាភូតេ បច្ចយា ចិត្តសមុដ្ឋានំ រូបំ. (៤)

អព្យាកតំ ធម្មំ បច្ចយា អកុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា – វត្ថុំ បច្ចយា អកុសលា ខន្ធា, មហាភូតេ បច្ចយា ចិត្តសមុដ្ឋានំ រូបំ. (៥)

២៤៦. កុសលញ្ច អព្យាកតញ្ច ធម្មំ បច្ចយា កុសលោ ធម្មោ ឧប្បជ្ជតិ ហេតុបច្ចយា – កុសលំ ឯកំ ខន្ធញ្ច វត្ថុញ្ច បច្ចយា តយោ ខន្ធា, តយោ ខន្ធេ ច វត្ថុញ្ច បច្ចយា ឯកោ ខន្ធោ, ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. កុសលញ្ច អព្យាកតញ្ច ធម្មំ បច្ចយា អព្យាកតោ ធម្មោ ឧប្បជ្ជតិ ហេតុបច្ចយា – កុសលេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. កុសលញ្ច អព្យាកតញ្ច ធម្មំ បច្ចយា កុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា – កុសលំ ឯកំ ខន្ធញ្ច វត្ថុញ្ច បច្ចយា តយោ ខន្ធា, តយោ ខន្ធេ ច វត្ថុញ្ច បច្ចយា ឯកោ ខន្ធោ, ទ្វេ ខន្ធេ ច វត្ថុញ្ច បច្ចយា ទ្វេ ខន្ធា, កុសលេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (៣)

២៤៧. អកុសលញ្ច អព្យាកតញ្ច ធម្មំ បច្ចយា អកុសលោ ធម្មោ ឧប្បជ្ជតិ ហេតុបច្ចយា – អកុសលំ ឯកំ ខន្ធញ្ច វត្ថុញ្ច បច្ចយា តយោ ខន្ធា, តយោ ខន្ធេ ច វត្ថុញ្ច បច្ចយា ឯកោ ខន្ធោ, ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. អកុសលញ្ច អព្យាកតញ្ច ធម្មំ បច្ចយា អព្យាកតោ ធម្មោ ឧប្បជ្ជតិ ហេតុបច្ចយា – អកុសលេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. អកុសលញ្ច អព្យាកតញ្ច ធម្មំ បច្ចយា អកុសលោ ច អព្យាកតោ ច ធម្មា ឧប្បជ្ជន្តិ ហេតុបច្ចយា – អកុសលំ ឯកំ ខន្ធញ្ច វត្ថុញ្ច បច្ចយា តយោ ខន្ធា, តយោ ខន្ធេ ច វត្ថុញ្ច បច្ចយា ឯកោ ខន្ធោ, ទ្វេ ខន្ធេ ច វត្ថុញ្ច បច្ចយា ទ្វេ ខន្ធា, អកុសលេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. (៣)

អារម្មណបច្ចយោ

២៤៨. កុសលំ ធម្មំ បច្ចយា កុសលោ ធម្មោ ឧប្បជ្ជតិ អារម្មណបច្ចយា – កុសលំ ឯកំ ខន្ធំ បច្ចយា តយោ ខន្ធា, តយោ ខន្ធេ បច្ចយា ឯកោ ខន្ធោ, ទ្វេ ខន្ធេ បច្ចយា ទ្វេ ខន្ធា. (១)

២៤៩. អកុសលំ ធម្មំ បច្ចយា អកុសលោ ធម្មោ ឧប្បជ្ជតិ អារម្មណបច្ចយា – អកុសលំ ឯកំ ខន្ធំ បច្ចយា តយោ ខន្ធា, តយោ ខន្ធេ បច្ចយា ឯកោ ខន្ធោ, ទ្វេ ខន្ធេ បច្ចយា ទ្វេ ខន្ធា. (១)

២៥០. អព្យាកតំ ធម្មំ បច្ចយា អព្យាកតោ ធម្មោ ឧប្បជ្ជតិ អារម្មណបច្ចយា – វិបាកាព្យាកតំ កិរិយាព្យាកតំ ឯកំ ខន្ធំ បច្ចយា តយោ ខន្ធា, តយោ ខន្ធេ បច្ចយា ឯកោ ខន្ធោ, ទ្វេ ខន្ធេ បច្ចយា ទ្វេ ខន្ធា; បដិសន្ធិក្ខណេ វិបាកាព្យាកតំ ឯកំ ខន្ធំ បច្ចយា តយោ ខន្ធា, តយោ ខន្ធេ បច្ចយា ឯកោ ខន្ធោ, ទ្វេ ខន្ធេ បច្ចយា ទ្វេ ខន្ធា; វត្ថុំ បច្ចយា ខន្ធា; ចក្ខាយតនំ បច្ចយា ចក្ខុវិញ្ញាណំ, សោតាយតនំ បច្ចយា សោតវិញ្ញាណំ, ឃានាយតនំ បច្ចយា ឃានវិញ្ញាណំ, ជិវ្ហាយតនំ បច្ចយា ជិវ្ហាវិញ្ញាណំ, កាយាយតនំ បច្ចយា កាយវិញ្ញាណំ, វត្ថុំ បច្ចយា វិបាកាព្យាកតា កិរិយាព្យាកតា ខន្ធា. (១)

អព្យាកតំ ធម្មំ បច្ចយា កុសលោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា កុសលា ខន្ធា. (២)

អព្យាកតំ ធម្មំ បច្ចយា អកុសលោ ធម្មោ ឧប្បជ្ជតិ អារម្មណបច្ចយា – វត្ថុំ បច្ចយា អកុសលា ខន្ធា. (៣)

២៥១. កុសលញ្ច អព្យាកតញ្ច ធម្មំ បច្ចយា កុសលោ ធម្មោ ឧប្បជ្ជតិ អារម្មណបច្ចយា – កុសលំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

២៥២. អកុសលញ្ច អព្យាកតញ្ច ធម្មំ បច្ចយា អកុសលោ ធម្មោ ឧប្បជ្ជតិ អារម្មណបច្ចយា – អកុសលំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា. (១)

អធិបតិបច្ចយោ

២៥៣. កុសលំ ធម្មំ បច្ចយា កុសលោ ធម្មោ ឧប្បជ្ជតិ អធិបតិបច្ចយា – កុសលំ ឯកំ ខន្ធំ បច្ចយា… តីណិ.

អកុសលំ ធម្មំ បច្ចយា អកុសលោ ធម្មោ ឧប្បជ្ជតិ អធិបតិបច្ចយា – អកុសលំ ឯកំ ខន្ធំ បច្ចយា… តីណិ.

អព្យាកតំ ធម្មំ បច្ចយា អព្យាកតោ ធម្មោ ឧប្បជ្ជតិ អធិបតិបច្ចយា – វិបាកាព្យាកតំ កិរិយាព្យាកតំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ឯកំ មហាភូតំ បច្ចយា តយោ មហាភូតា…បេ… មហាភូតេ បច្ចយា ចិត្តសមុដ្ឋានំ រូបំ ឧបាទារូបំ, វត្ថុំ បច្ចយា វិបាកាព្យាកតា កិរិយាព្យាកតា ខន្ធា.

អព្យាកតំ ធម្មំ បច្ចយា កុសលោ ធម្មោ ឧប្បជ្ជតិ អធិបតិបច្ចយា – វត្ថុំ បច្ចយា កុសលា ខន្ធា.

(យថា ហេតុបច្ចយំ, ឯវំ វិត្ថារេតព្ពំ.)

អនន្តរ-សមនន្តរបច្ចយា

២៥៤. កុសលំ ធម្មំ បច្ចយា កុសលោ ធម្មោ ឧប្បជ្ជតិ អនន្តរបច្ចយា… សមនន្តរបច្ចយា.

(យថា អារម្មណបច្ចយំ, ឯវំ វិត្ថារេតព្ពំ.)

សហជាតបច្ចយោ

២៥៥. កុសលំ ធម្មំ បច្ចយា កុសលោ ធម្មោ ឧប្បជ្ជតិ សហជាតបច្ចយា – កុសលំ ឯកំ ខន្ធំ បច្ចយា… តីណិ.

អកុសលំ ធម្មំ បច្ចយា… តីណិ.

អព្យាកតំ ធម្មំ បច្ចយា អព្យាកតោ ធម្មោ ឧប្បជ្ជតិ សហជាតបច្ចយា – វិបាកាព្យាកតំ កិរិយាព្យាកតំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… បដិសន្ធិក្ខណេ…បេ… ឯកំ មហាភូតំ បច្ចយា…បេ… ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បច្ចយា…បេ… មហាភូតេ បច្ចយា កដត្តារូបំ ឧបាទារូបំ, ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា វិបាកាព្យាកតា កិរិយាព្យាកតា ខន្ធា.

អព្យាកតំ ធម្មំ បច្ចយា កុសលោ ធម្មោ ឧប្បជ្ជតិ សហជាតបច្ចយា – វត្ថុំ បច្ចយា កុសលា ខន្ធា.

(យថា ហេតុបច្ចយំ, ឯវំ វិត្ថារេតព្ពំ.)

អញ្ញមញ្ញបច្ចយោ

២៥៦. កុសលំ ធម្មំ បច្ចយា កុសលោ ធម្មោ ឧប្បជ្ជតិ អញ្ញមញ្ញបច្ចយា… ឯកំ.

អកុសលំ ធម្មំ បច្ចយា អកុសលោ ធម្មោ ឧប្បជ្ជតិ អញ្ញមញ្ញបច្ចយា… ឯកំ.

អព្យាកតំ ធម្មំ បច្ចយា អព្យាកតោ ធម្មោ ឧប្បជ្ជតិ អញ្ញមញ្ញបច្ចយា – វិបាកាព្យាកតំ កិរិយាព្យាកតំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា; បដិសន្ធិក្ខណេ វិបាកាព្យាកតំ ឯកំ ខន្ធំ បច្ចយា តយោ ខន្ធា វត្ថុ ច…បេ… ទ្វេ ខន្ធេ បច្ចយា ទ្វេ ខន្ធា វត្ថុ ច, ខន្ធេ បច្ចយា វត្ថុ, វត្ថុំ បច្ចយា ខន្ធា; ឯកំ មហាភូតំ បច្ចយា តយោ មហាភូតា…បេ… ទ្វេ មហាភូតេ បច្ចយា ទ្វេ មហាភូតា; ពាហិរំ… អាហារសមុដ្ឋានំ… ឧតុសមុដ្ឋានំ… អសញ្ញសត្តានំ ឯកំ មហាភូតំ បច្ចយា តយោ មហាភូតា…បេ… ទ្វេ មហាភូតេ បច្ចយា ទ្វេ មហាភូតា, ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា វិបាកាព្យាកតា កិរិយាព្យាកតា ខន្ធា.

អព្យាកតំ ធម្មំ បច្ចយា កុសលោ ធម្មោ ឧប្បជ្ជតិ អញ្ញមញ្ញបច្ចយា – វត្ថុំ បច្ចយា កុសលា ខន្ធា.

(យថា អារម្មណបច្ចយំ, ឯវំ វិត្ថារេតព្ពំ.)

និស្សយបច្ចយោ

២៥៧. កុសលំ ធម្មំ បច្ចយា កុសលោ ធម្មោ ឧប្បជ្ជតិ និស្សយបច្ចយា – កុសលំ ឯកំ ខន្ធំ បច្ចយា តយោ ខន្ធា.

(យថា សហជាតបច្ចយំ, ឯវំ វិត្ថារេតព្ពំ.)

ឧបនិស្សយបច្ចយោ

២៥៨. កុសលំ ធម្មំ បច្ចយា កុសលោ ធម្មោ ឧប្បជ្ជតិ ឧបនិស្សយបច្ចយា – កុសលំ ឯកំ ខន្ធំ បច្ចយា. (អារម្មណបច្ចយសទិសំ.)

បុរេជាតបច្ចយោ

២៥៩. កុសលំ ធម្មំ បច្ចយា កុសលោ ធម្មោ ឧប្បជ្ជតិ បុរេជាតបច្ចយា. កុសលំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា. វត្ថុំ បុរេជាតបច្ចយា. (១)

អកុសលំ ធម្មំ បច្ចយា អកុសលោ ធម្មោ ឧប្បជ្ជតិ បុរេជាតបច្ចយា – អកុសលំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា. វត្ថុំ បុរេជាតបច្ចយា. (១)

អព្យាកតំ ធម្មំ បច្ចយា អព្យាកតោ ធម្មោ ឧប្បជ្ជតិ បុរេជាតបច្ចយា – វិបាកាព្យាកតំ កិរិយាព្យាកតំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា, វត្ថុំ បុរេជាតបច្ចយា, ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា វិបាកាព្យាកតា កិរិយាព្យាកតា ខន្ធា, វត្ថុំ បុរេជាតបច្ចយា.

អព្យាកតំ ធម្មំ បច្ចយា កុសលោ ធម្មោ ឧប្បជ្ជតិ បុរេជាតបច្ចយា – វត្ថុំ បច្ចយា កុសលា ខន្ធា, វត្ថុំ បុរេជាតបច្ចយា.

អព្យាកតំ ធម្មំ បច្ចយា អកុសលោ ធម្មោ ឧប្បជ្ជតិ បុរេជាតបច្ចយា – វត្ថុំ បច្ចយា អកុសលា ខន្ធា, វត្ថុំ បុរេជាតបច្ចយា. (៣)

កុសលញ្ច អព្យាកតញ្ច ធម្មំ បច្ចយា កុសលោ ធម្មោ ឧប្បជ្ជតិ បុរេជាតបច្ចយា – កុសលំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា, វត្ថុំ បុរេជាតបច្ចយា. (១)

អកុសលញ្ច អព្យាកតញ្ច ធម្មំ បច្ចយា អកុសលោ ធម្មោ ឧប្បជ្ជតិ បុរេជាតបច្ចយា – អកុសលំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា, វត្ថុំ បុរេជាតបច្ចយា. (១)

អាសេវនបច្ចយោ

២៦០. កុសលំ ធម្មំ បច្ចយា កុសលោ ធម្មោ ឧប្បជ្ជតិ អាសេវនបច្ចយា – កុសលំ ឯកំ ខន្ធំ បច្ចយា…បេ….

អកុសលំ ធម្មំ បច្ចយា អកុសលោ ធម្មោ ឧប្បជ្ជតិ អាសេវនបច្ចយា – អកុសលំ ឯកំ ខន្ធំ បច្ចយា…បេ….

អព្យាកតំ ធម្មំ បច្ចយា អព្យាកតោ ធម្មោ ឧប្បជ្ជតិ អាសេវនបច្ចយា – កិរិយាព្យាកតំ ឯកំ ខន្ធំ បច្ចយា តយោ ខន្ធា, តយោ ខន្ធេ បច្ចយា ឯកោ ខន្ធោ, ទ្វេ ខន្ធេ បច្ចយា ទ្វេ ខន្ធា, វត្ថុំ បច្ចយា កិរិយាព្យាកតា ខន្ធា.

អព្យាកតំ ធម្មំ បច្ចយា កុសលោ ធម្មោ ឧប្បជ្ជតិ អាសេវនបច្ចយា – វត្ថុំ បច្ចយា កុសលា ខន្ធា.

អព្យាកតំ ធម្មំ បច្ចយា អកុសលោ ធម្មោ ឧប្បជ្ជតិ អាសេវនបច្ចយា – វត្ថុំ បច្ចយា អកុសលា ខន្ធា.

កុសលញ្ច អព្យាកតញ្ច ធម្មំ បច្ចយា…បេ….

អកុសលញ្ច អព្យាកតញ្ច ធម្មំ បច្ចយា អកុសលោ ធម្មោ ឧប្បជ្ជតិ អាសេវនបច្ចយា – អកុសលំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ….

កម្មបច្ចយោ

២៦១. កុសលំ ធម្មំ បច្ចយា កុសលោ ធម្មោ ឧប្បជ្ជតិ កម្មបច្ចយា – កុសលំ ឯកំ ខន្ធំ បច្ចយា… តីណិ.

អកុសលំ ធម្មំ បច្ចយា អកុសលោ ធម្មោ ឧប្បជ្ជតិ កម្មបច្ចយា… តីណិ.

អព្យាកតំ ធម្មំ បច្ចយា អព្យាកតោ ធម្មោ ឧប្បជ្ជតិ កម្មបច្ចយា – វិបាកាព្យាកតំ កិរិយាព្យាកតំ ឯកំ ខន្ធំ បច្ចយា…បេ… បដិសន្ធិក្ខណេ…បេ… ឯកំ មហាភូតំ បច្ចយា…បេ… អសញ្ញសត្តានំ ឯកំ មហាភូតំ បច្ចយា…បេ… មហាភូតេ បច្ចយា កដត្តារូបំ ឧបាទារូបំ, ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា វិបាកាព្យាកតា កិរិយាព្យាកតា ខន្ធា.

អព្យាកតំ ធម្មំ បច្ចយា កុសលោ ធម្មោ ឧប្បជ្ជតិ កម្មបច្ចយា – វត្ថុំ បច្ចយា កុសលា ខន្ធា.

អព្យាកតំ ធម្មំ បច្ចយា អកុសលោ ធម្មោ ឧប្បជ្ជតិ កម្មបច្ចយា – វត្ថុំ បច្ចយា អកុសលា ខន្ធា…បេ…. (៥)

កុសលញ្ច អព្យាកតញ្ច ធម្មំ បច្ចយា កុសលោ ធម្មោ…បេ… អព្យាកតោ ធម្មោ…បេ… កុសលោ ច អព្យាកតោ ច ធម្មា ឧប្បជ្ជន្តិ កម្មបច្ចយា…បេ….

អកុសលញ្ច អព្យាកតញ្ច ធម្មំ បច្ចយា អកុសលោ ធម្មោ…បេ… អព្យាកតោ ធម្មោ…បេ… អកុសលោ ច អព្យាកតោ ច ធម្មា ឧប្បជ្ជន្តិ កម្មបច្ចយា, អកុសលំ ឯកំ ខន្ធញ្ច វត្ថុញ្ច បច្ចយា…បេ… អកុសលេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ.

វិបាកបច្ចយោ

២៦២. អព្យាកតំ ធម្មំ បច្ចយា អព្យាកតោ ធម្មោ ឧប្បជ្ជតិ វិបាកបច្ចយា. វិបាកាព្យាកតំ ឯកំ ខន្ធំ បច្ចយា…បេ… បដិសន្ធិក្ខណេ…បេ… ឯកំ មហាភូតំ បច្ចយា…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា វិបាកាព្យាកតា ខន្ធា.

អាហារបច្ចយោ

២៦៣. កុសលំ ធម្មំ បច្ចយា កុសលោ ធម្មោ ឧប្បជ្ជតិ អាហារបច្ចយា – កុសលំ ឯកំ ខន្ធំ បច្ចយា… តីណិ.

អកុសលំ ធម្មំ បច្ចយា… តីណិ.

អព្យាកតំ ធម្មំ បច្ចយា អព្យាកតោ ធម្មោ ឧប្បជ្ជតិ អាហារបច្ចយា…បេ… បដិសន្ធិក្ខណេ…បេ… អាហារសមុដ្ឋានំ ឯកំ មហាភូតំ…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា វិបាកាព្យាកតា កិរិយាព្យាកតា ខន្ធា. (បរិបុណ្ណំ.)

ឥន្ទ្រិយបច្ចយោ

២៦៤. កុសលំ ធម្មំ បច្ចយា កុសលោ ធម្មោ ឧប្បជ្ជតិ ឥន្ទ្រិយបច្ចយា…បេ… អសញ្ញសត្តានំ ឯកំ មហាភូតំ បច្ចយា…បេ… ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ, វត្ថុំ បច្ចយា វិបាកាព្យាកតា កិរិយាព្យាកតា ខន្ធា.

(ឥន្ទ្រិយបច្ចយា យថា កម្មបច្ចយា, ឯវំ វិត្ថារេតព្ពំ.)

ឈាន-មគ្គបច្ចយា

២៦៥. កុសលំ ធម្មំ បច្ចយា កុសលោ ធម្មោ ឧប្បជ្ជតិ ឈានបច្ចយា…បេ… មគ្គបច្ចយា.

(ឈានបច្ចយាបិ មគ្គបច្ចយាបិ យថា ហេតុបច្ចយា, ឯវំ វិត្ថារេតព្ពំ.)

សម្បយុត្តបច្ចយោ

២៦៦. កុសលំ ធម្មំ បច្ចយា កុសលោ ធម្មោ ឧប្បជ្ជតិ សម្បយុត្តបច្ចយា. (អារម្មណបច្ចយសទិសំ.)

វិប្បយុត្តបច្ចយោ

២៦៧. កុសលំ ធម្មំ បច្ចយា កុសលោ ធម្មោ ឧប្បជ្ជតិ វិប្បយុត្តបច្ចយា. កុសលំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា, វត្ថុំ វិប្បយុត្តបច្ចយា. កុសលំ ធម្មំ បច្ចយា អព្យាកតោ ធម្មោ ឧប្បជ្ជតិ វិប្បយុត្តបច្ចយា – កុសលេ ខន្ធេ បច្ចយា ចិត្តសមុដ្ឋានំ រូបំ, ខន្ធេ វិប្បយុត្តបច្ចយា, កុសលំ ធម្មំ បច្ចយា កុសលោ ច អព្យាកតោ ច ធម្មា ឧប្បជ្ជន្តិ វិប្បយុត្តបច្ចយា – កុសលំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បច្ចយា ទ្វេ ខន្ធា ចិត្តសមុដ្ឋានញ្ច រូបំ, ខន្ធា វត្ថុំ វិប្បយុត្តបច្ចយា, ចិត្តសមុដ្ឋានំ រូបំ ខន្ធេ វិប្បយុត្តបច្ចយា. (៣)

អកុសលំ ធម្មំ បច្ចយា អកុសលោ ធម្មោ ឧប្បជ្ជតិ វិប្បយុត្តបច្ចយា – អកុសលំ ឯកំ ខន្ធំ បច្ចយា តយោ ខន្ធា…បេ… ទ្វេ ខន្ធេ បច្ចយា ទ្វេ ខន្ធា, វត្ថុំ វិប្បយុត្តបច្ចយា. អកុសលំ ធម្មំ បច្ចយា អព្យាកតោ ធម្មោ ឧប្បជ្ជតិ វិប្បយុត្តបច្ចយា – អកុសលេ ខន្ធេ បច្ចយា ចិត្តសមុដ្ឋានំ រូបំ, ខន្ធេ វិប្បយុត្តបច្ចយា. អកុសលំ ធម្មំ បច្ចយា អកុសលោ ច អព្យាកតោ ច ធម្មា ឧប្បជ្ជន្តិ វិប្បយុត្តបច្ចយា – អកុសលំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បច្ចយា ទ្វេ ខន្ធា ចិត្តសមុដ្ឋានញ្ច រូបំ, ខន្ធា វត្ថុំ វិប្បយុត្តបច្ចយា, ចិត្តសមុដ្ឋានំ រូបំ ខន្ធេ វិប្បយុត្តបច្ចយា. (៣)

អព្យាកតំ ធម្មំ បច្ចយា អព្យាកតោ ធម្មោ ឧប្បជ្ជតិ វិប្បយុត្តបច្ចយា – វិបាកាព្យាកតំ កិរិយាព្យាកតំ ឯកំ ខន្ធំ បច្ចយា តយោ ខន្ធា ចិត្តសមុដ្ឋានញ្ច រូបំ…បេ… ទ្វេ ខន្ធេ បច្ចយា ទ្វេ ខន្ធា ចិត្តសមុដ្ឋានញ្ច រូបំ, ខន្ធា វត្ថុំ វិប្បយុត្តបច្ចយា, ចិត្តសមុដ្ឋានំ រូបំ ខន្ធេ វិប្បយុត្តបច្ចយា, បដិសន្ធិក្ខណេ វិបាកាព្យាកតំ ឯកំ ខន្ធំ បច្ចយា តយោ ខន្ធា កដត្តា ច រូបំ…បេ… ទ្វេ ខន្ធេ បច្ចយា ទ្វេ ខន្ធា កដត្តា ច រូបំ, ខន្ធា វត្ថុំ វិប្បយុត្តបច្ចយា, កដត្តារូបំ ខន្ធេ វិប្បយុត្តបច្ចយា, ខន្ធេ បច្ចយា វត្ថុ, វត្ថុំ បច្ចយា ខន្ធា, ខន្ធា វត្ថុំ វិប្បយុត្តបច្ចយា, វត្ថុ ខន្ធេ វិប្បយុត្តបច្ចយា; ឯកំ មហាភូតំ បច្ចយា…បេ… មហាភូតេ បច្ចយា ចិត្តសមុដ្ឋានំ រូបំ កដត្តារូបំ ឧបាទារូបំ ខន្ធេ វិប្បយុត្តបច្ចយា; ចក្ខាយតនំ បច្ចយា ចក្ខុវិញ្ញាណំ…បេ… កាយាយតនំ បច្ចយា កាយវិញ្ញាណំ; វត្ថុំ បច្ចយា វិបាកាព្យាកតា កិរិយាព្យាកតា ខន្ធា, វត្ថុំ វិប្បយុត្តបច្ចយា. (១)

អព្យាកតំ ធម្មំ បច្ចយា កុសលោ ធម្មោ ឧប្បជ្ជតិ វិប្បយុត្តបច្ចយា – វត្ថុំ បច្ចយា កុសលា ខន្ធា, វត្ថុំ វិប្បយុត្តបច្ចយា. (២)

អព្យាកតំ ធម្មំ បច្ចយា អកុសលោ ធម្មោ ឧប្បជ្ជតិ វិប្បយុត្តបច្ចយា – វត្ថុំ បច្ចយា អកុសលា ខន្ធា, វត្ថុំ វិប្បយុត្តបច្ចយា. (៣)

អព្យាកតំ ធម្មំ បច្ចយា កុសលោ ច អព្យាកតោ ច ធម្មា ឧប្បជ្ជន្តិ វិប្បយុត្តបច្ចយា – វត្ថុំ បច្ចយា កុសលា ខន្ធា, មហាភូតេ បច្ចយា ចិត្តសមុដ្ឋានំ រូបំ, ខន្ធា វត្ថុំ វិប្បយុត្តបច្ចយា, ចិត្តសមុដ្ឋានំ រូបំ ខន្ធេ វិប្បយុត្តបច្ចយា. (៤)

អព្យាកតំ ធម្មំ បច្ចយា អកុសលោ ច អព្យាកតោ ច ធម្មា ឧប្បជ្ជន្តិ វិប្បយុត្តបច្ចយា – វត្ថុំ បច្ចយា អកុសលា ខន្ធា, មហាភូតេ បច្ចយា ចិត្តសមុដ្ឋានំ រូបំ, ខន្ធា វត្ថុំ វិប្បយុត្តបច្ចយា. ចិត្តសមុដ្ឋានំ រូបំ ខន្ធេ វិប្បយុត្តបច្ចយា. (៥)

កុសលញ្ច អព្យាកតញ្ច ធម្មំ បច្ចយា កុសលោ ធម្មោ ឧប្បជ្ជតិ វិប្បយុត្តបច្ចយា. កុសលំ ឯកំ ខន្ធញ្ច វត្ថុញ្ច បច្ចយា តយោ ខន្ធា, តយោ ខន្ធេ ច វត្ថុញ្ច បច្ចយា ឯកោ ខន្ធោ, ទ្វេ ខន្ធេ ច វត្ថុញ្ច បច្ចយា ទ្វេ ខន្ធា, វត្ថុំ វិប្បយុត្តបច្ចយា. កុសលញ្ច អព្យាកតញ្ច ធម្មំ បច្ចយា អព្យាកតោ ធម្មោ ឧប្បជ្ជតិ វិប្បយុត្តបច្ចយា. កុសលេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ. ខន្ធេ វិប្បយុត្តបច្ចយា. កុសលញ្ច អព្យាកតញ្ច ធម្មំ បច្ចយា កុសលោ ច អព្យាកតោ ច ធម្មា ឧប្បជ្ជន្តិ វិប្បយុត្តបច្ចយា, កុសលំ ឯកំ ខន្ធញ្ច វត្ថុញ្ច បច្ចយា តយោ ខន្ធា, តយោ ខន្ធេ ច វត្ថុញ្ច បច្ចយា ឯកោ ខន្ធោ, ទ្វេ ខន្ធេ ច វត្ថុញ្ច បច្ចយា ទ្វេ ខន្ធា, កុសលេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, ខន្ធា វត្ថុំ វិប្បយុត្តបច្ចយា, ចិត្តសមុដ្ឋានំ រូបំ ខន្ធេ វិប្បយុត្តបច្ចយា. (៣)

អកុសលញ្ច អព្យាកតញ្ច ធម្មំ បច្ចយា អកុសលោ ធម្មោ ឧប្បជ្ជតិ វិប្បយុត្តបច្ចយា – អកុសលំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធេ ច វត្ថុញ្ច បច្ចយា ទ្វេ ខន្ធា, វត្ថុំ វិប្បយុត្តបច្ចយា. អកុសលញ្ច អព្យាកតញ្ច ធម្មំ បច្ចយា អព្យាកតោ ធម្មោ ឧប្បជ្ជតិ វិប្បយុត្តបច្ចយា – អកុសលេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, ខន្ធេ វិប្បយុត្តបច្ចយា. អកុសលញ្ច អព្យាកតញ្ច ធម្មំ បច្ចយា អកុសលោ ច អព្យាកតោ ច ធម្មា ឧប្បជ្ជន្តិ វិប្បយុត្តបច្ចយា – អកុសលំ ឯកំ ខន្ធញ្ច វត្ថុញ្ច បច្ចយា តយោ ខន្ធា…បេ… ទ្វេ ខន្ធា, អកុសលេ ខន្ធេ ច មហាភូតេ ច បច្ចយា ចិត្តសមុដ្ឋានំ រូបំ, ខន្ធា វត្ថុំ វិប្បយុត្តបច្ចយា, ចិត្តសមុដ្ឋានំ រូបំ ខន្ធេ វិប្បយុត្តបច្ចយា. (៣)

អត្ថិបច្ចយាទិ

២៦៨. កុសលំ ធម្មំ បច្ចយា កុសលោ ធម្មោ ឧប្បជ្ជតិ អត្ថិបច្ចយា…បេ… (អត្ថិបច្ចយា សហជាតបច្ចយសទិសំ កាតព្ពំ. នត្ថិបច្ចយា វិគតបច្ចយា អារម្មណបច្ចយសទិសំ, អវិគតបច្ចយា សហជាតបច្ចយសទិសំ.)