១. វាទយុត្តិ

២៨២. សព្ពមត្ថីតិ? អាមន្តា. សព្ពត្ថ សព្ពមត្ថីតិ? ន ហេវំ វត្តព្ពេ. សព្ពមត្ថីតិ? អាមន្តា. សព្ពទា សព្ពមត្ថីតិ? ន ហេវំ វត្តព្ពេ. សព្ពមត្ថីតិ? អាមន្តា. សព្ពេន សព្ពំ សព្ពមត្ថីតិ? ន ហេវំ វត្តព្ពេ. សព្ពមត្ថីតិ? អាមន្តា. សព្ពេសុ សព្ពមត្ថីតិ? ន ហេវំ វត្តព្ពេ. សព្ពមត្ថីតិ? អាមន្តា. អយោគន្តិ កត្វា សព្ពមត្ថីតិ? ន ហេវំ វត្តព្ពេ. សព្ពមត្ថីតិ? អាមន្តា. យម្បិ នត្ថិ, តម្បត្ថីតិ? ន ហេវំ វត្តព្ពេ. សព្ពមត្ថីតិ? អាមន្តា. សព្ពមត្ថីតិ យា ទិដ្ឋិ សា ទិដ្ឋិ មិច្ឆាទិដ្ឋីតិ, យា ទិដ្ឋិ សា ទិដ្ឋិ សម្មាទិដ្ឋីតិ, ហេវមត្ថីតិ? ន ហេវំ វត្តព្ពេ. (សំខិត្តំ). វាទយុត្តិ.