១១. ឯកាទសមវគ្គោ

(១១៤) ៩. ធម្មដ្ឋិតតាកថា

៦២៧. ធម្មដ្ឋិតតា បរិនិប្ផន្នាតិ? អាមន្តា. តាយ ឋិតតា បរិនិប្ផន្នាតិ? ន ហេវំ វត្តព្ពេ…បេ… តាយ ឋិតតា បរិនិប្ផន្នាតិ? អាមន្តា. តាយ តាយេវ នត្ថិ ទុក្ខស្សន្តកិរិយា, នត្ថិ វដ្ដុបច្ឆេទោ, នត្ថិ អនុបាទាបរិនិព្ពានន្តិ? ន ហេវំ វត្តព្ពេ…បេ….

រូបស្ស ឋិតតា បរិនិប្ផន្នាតិ? អាមន្តា. តាយ ឋិតតា បរិនិប្ផន្នាតិ? ន ហេវំ វត្តព្ពេ…បេ… តាយ ឋិតតា បរិនិប្ផន្នាតិ? អាមន្តា. តាយ តាយេវ នត្ថិ ទុក្ខស្សន្តកិរិយា, នត្ថិ វដ្ដុបច្ឆេទោ, នត្ថិ អនុបាទាបរិនិព្ពានន្តិ? ន ហេវំ វត្តព្ពេ…បេ….

វេទនាយ ឋិតតា…បេ… សញ្ញាយ ឋិតតា…បេ… សង្ខារានំ ឋិតតា…បេ… វិញ្ញាណស្ស ឋិតតា បរិនិប្ផន្នាតិ? អាមន្តា. តាយ ឋិតតា បរិនិប្ផន្នាតិ? ន ហេវំ វត្តព្ពេ…បេ… តាយ ឋិតតា បរិនិប្ផន្នាតិ? អាមន្តា. តាយ តាយេវ នត្ថិ ទុក្ខស្សន្តកិរិយា, នត្ថិ វដ្ដុបច្ឆេទោ, នត្ថិ អនុបាទាបរិនិព្ពានន្តិ? ន ហេវំ វត្តព្ពេ…បេ….

ធម្មដ្ឋិតតាកថា និដ្ឋិតា.