មហាវិហារនាសនំ

មហាវិហារវាសីសុ បន វុត្តប្បការេន សព្ពវិហារេ ឆឌ្ឌេត្វា គតេសុ សង្ឃមិត្តោ បាបភិក្ខុ រាជានំ សញ្ញាបេត្វា លោហបាសាទាទិកេ ចតុសដ្ឋ្យាធិកេ តិសតមត្តេ បរិវេណបាសាទេ នាសេត្វា សមូលំ ឧទ្ធរាបេត្វា អភយគិរិវិហារំ អានយាបេសិ. វិហារភូមិយញ្ច កសាបេត្វា អបរណ្ណេ វបាបេសិ. ឯវំ តទា មហាវិហារោ នវ វស្សានិ ភិក្ខូហិ សុញ្ញោ អហោសិ អាវាសវិរហិតោ ច. អថ រាជា មេឃវណ្ណាភយស្ស នាម កល្យាណមិត្តភូតស្ស អមច្ចស្ស សន្តជ្ជនបុព្ពង្គមេន វចនេន មហាវិហារំ បុន បាកតិកំ កត្វា តេ ចាបិ អបក្កន្តេ ភិក្ខូ អានេត្វា ចតូហិ បច្ចយេហិ ឧបដ្ឋហិ [មហាវំសេ ៣៧-៣០-គាថាសុ. និកាយសង្គហេ ១៤-១៥-បិដ្ឋេសុ].