២. អន្ធការវគ្គ, ២-៣. ទុតិយ, តតិយ សិក្ខាបុច្ឆា

បុច្ឆា – បដិច្ឆន្នេ វា អាវុសោ ឱកាសេ អជ្ឈោកាសេ វា បុរិសេន សទ្ធិំ ឯកេនេកាយ សន្តិដ្ឋន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ អញ្ញតរំ ភិក្ខុនិំ អារព្ភ បញ្ញត្តំ, អញ្ញតរា ភន្តេ ភិក្ខុនី បដិច្ឆន្នេ ឱកាសេ អជ្ឈោកាសេ ច បុរិសេន សទ្ធិំ ឯកេនេកា សន្តិដ្ឋិ, តស្មិំ ភន្តេ វត្ថុស្មិំ បញ្ញត្តំ.