៩. ឆត្តុបាហនវគ្គ, ៤. ចតុត្ថ សិក្ខាបុច្ឆា

បុច្ឆា – ឥត្ថាលង្ការំ អាវុសោ ធារេន្តិយា បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយា ភិក្ខុនិយោ អារព្ភ បញ្ញត្តំ, ឆព្ពគ្គិយា ភន្តេ ភិក្ខុនិយោ ឥត្ថាលង្ការំ ធារេសុំ, តស្មិំ ភន្តេ វត្ថុស្មិំ បញ្ញត្តំ.

បុច្ឆា – ភិក្ខុ បន អាវុសោ បុរិសាលង្ការំ ធារេន្តោ កិំ នាម អាបត្តិំ អាបជ្ជេយ្យ.

វិស្សជ្ជនា – ទុក្កដំ ភន្តេ អាបត្តិំ អាបជ្ជេយ្យ.