៥. អចេលកវគ្គ ៨-៩-១០. ឧយ្យុត្តសេនា ចសោ សិក្ខាបុច្ឆា

បុច្ឆា – ឧយ្យុត្តំ អាវុសោ សេនំ ទស្សនាយ គច្ឆន្តស្ស ច អតិរេកតិរត្តំ សេនាយ វសន្តស្ស ច ឧយ្យោធិកំ គច្ឆន្តស្ស ច បាចិត្តិយំ កត្ថ បញ្ញត្តំ, កំ អារព្ភ កិស្មិំ វត្ថុស្មិំ បញ្ញត្តំ.

វិស្សជ្ជនា – សាវត្ថិយំ ភន្តេ ឆព្ពគ្គិយេ ភិក្ខូ អារព្ភ បញ្ញត្តំ, ឆព្ពគ្គិយា ភន្តេ ភិក្ខូ ឧយ្យុត្តំ សេនំ ទស្សនាយ អគមំសុ, តេយេវ ភន្តេ ឆព្ពគ្គិយា ភិក្ខូ អតិរេកតិរត្តំ សេនាយ វសិំសុ, តេយេវ ភន្តេ ឆព្ពគ្គិយា ភិក្ខូ ឧយ្យោធិកំ អគមំសុ, តស្មិំ ភន្តេ វត្ថុស្មិំ បញ្ញត្តំ.