រាធសំយុត្ត

សត្តសុត្ត

បុច្ឆា – រាធសំយុត្តេ បនាវុសោ ទុតិយំ សត្តសុត្តំ ភគវតា កត្ថ កំ អារព្ភ កិស្មិំ វត្ថុស្មិំ កថញ្ច ភាសិតំ.

វិស្សជ្ជនា – សាវត្ថិយំ ភន្តេ អាយស្មន្តំ រាធត្ថេរំ អារព្ភ ភាសិតំ. អាយស្មា ភន្តេ រាធត្ថេរោ ភគវន្តំ ឯតទវោច ‘‘សត្តោ សត្តោតិ ភន្តេ វុច្ចតិ, កិត្តាវតា នុ ខោ ភន្តេ សត្តោតិ វុច្ចតី’’តិ. តស្មិំ ភន្តេ វត្ថុស្មិំ ‘‘រូបេ ខោ រាធ យោ ឆន្ទោ យោ រាគោ យា នន្ទី យា តណ្ហា, តត្រ សត្តោ តត្រ វិសត្តោ, តស្មា សត្តោតិ វុច្ចតី’’តិ ឯវមាទិនា ភគវតា ភាសិតំ.