១០. ទសកនិទ្ទេសវណ្ណនា

ឯកិស្សា លោកធាតុយា

អដ្ឋានមេតំ អនវកាសោ យំ ឯកិស្សា លោកធាតុយា ទ្វេ អរហន្តោ សម្មាសម្ពុទ្ធា អបុព្ពំ អចរិមំ ឧប្បជ្ជេយ្យុំ, នេតំ ឋានំ វិជ្ជតីតិ បជានាតិ.

អជ្ជ សត្ថា បរិនិព្ពាយតិ, អជ្ជ សាសនំ ឱសក្កតិ, បច្ឆិមទស្សនំ ទានិ ឥទំ អម្ហាកន្តិ ទសពលស្ស បរិនិព្ពុតទិវសតោ មហន្តតរំ ការុញ្ញំ ករិស្សន្តិ.

ឯកបុគ្គលោ ភិក្ខវេ លោកេ ឧប្បជ្ជមានោ ឧប្បជ្ជតិ អច្ឆរិយមនុស្សោ, កតមោ ឯកបុគ្គលោ តថាគតោ ភិក្ខវេ អរហំ សម្មាសម្ពុទ្ធោតិ.

ឈានវិភង្គ

សុត្តន្តភាជនីយ

អភិក្កន្តេ បដិក្កន្តេ សម្បជានការី ហោតិ.

សតោ សម្បជានោ អភិក្កមតិ,

សតោ សម្បជានោ បដិក្កមតីតិ វុត្តំ.

កិន្នូ មេ ឯត្ថ គតេន អត្ថោ អត្ថិ នត្ថីតិ អត្ថានត្ថំ បរិគ្គហេត្វា អត្ថបរិគ្គណ្ហនំ សាត្ថកសម្បជញ្ញំ.

អាមិសតោបិ វឌ្ឍិ អត្ថោយេវ, តំ និស្សាយ ព្រហ្មចរិយា នុគ្គហាយ បដិបន្នត្តាតិ វទន្តិ.

មយា បព្ពជិតទិវសតោ បដ្ឋាយ ភិក្ខុនា សទ្ធិំ ទ្វេកថា នាម នកថិតបុព្ពា, អញ្ញស្មិំ ទិវសេ ឧបរិវិសេសំ និព្ពត្តេស្សាមីតិ ចិន្តេត្វា ‘‘កិំ ភន្តេ’’តិ បដិវចនំ អទាសិ.

ភន្តេ ឯតេ មនុស្សា តុម្ហាកំ កិំហោន្តិ, មាតិបក្ខតោ សម្ពន្ធា បិតិបក្ខតោតិ.

អាវុសោយំ មាតាបិតូហិបិ ទុក្ករំ, តំ ឯតេ មនុស្សា អម្ហាកំ ករោន្តិ, បត្តចីវរម្បិ នោ ឯតេសំ សន្តកមេវ, ឯតេសំ អានុភាវេន នេវ ភយេ ភយំ ន ឆាតកេ ឆាតកំ ជានាម, ឯទិសានាម អម្ហាកំ ឧបការិនោ នត្ថីតិ តេសំ គុណេ កថេន្តោ គច្ឆតិ.

កម្មដ្ឋានំ នាម អត្ថីតិបិ សញ្ញំ អកត្វា គាមំ បិណ្ឌាយ បវិសិត្វា អននុលោមិកេន គិហិសំសគ្គេន សំសដ្ឋោ ចរិត្វា ច ភុញ្ជិត្វា ច តុច្ឆោ និក្ខមតិ.

អាវុសោ តុម្ហេ ន ឥណដ្ដា ន ភយដ្ដា ន អាជីវិកា បកតា បព្ពជិតា, ទុក្ខា មុច្ចិតុកាមា បនេត្ថ បព្ពជិតា. តស្មា គមនេ ឧប្បន្នកិលេសំ គមនេយេវ និគណ្ហថ. ឋានេ, និសជ្ជាយ, សយនេ ឧប្បន្នកិលេសំ សយនេយេវ និគ្គណ្ហថាតិ.

អយំ ភិក្ខុ តុយ្ហំ ឧប្បន្នំ វិតក្កំ ជានាតិ, អននុច្ឆវិកំ តេ ឯតន្តិ អត្តានំ បដិចោទេត្វា វិបស្សនំ វឌ្ឍេត្វា អរិយភូមិំ ឱក្កមតិ.

អយំ ថេរោ បុនប្បុនំ និវត្តិត្វា គច្ឆតិ, កិំ នុខោ មគ្គមូឡ្ហោ ឧទាហុ កិញ្ចិ បមុដ្ឋោតិ សមុល្លបន្តិ.

កិន្នូ ខោ ឯតេ អម្ហេហេវ សទ្ធិំ ន សល្លបន្តិ ឧទាហុ អញ្ញ មញ្ញម្បិ, យទិ អញ្ញមញ្ញម្បិ ន សល្លបន្តិ, អទ្ធា វិវាទជាតា ភវិស្សន្តិ.

អញ្ញំ ឧប្បជ្ជតេ ចិត្តំ, អញ្ញំ ចិត្តំ និរុជ្ឈតិ;

អវីចិ មនុសម្ពន្ធោ, នទី សោតោវ វត្តតិ.

អាលោកិតេ វិលោកិតេ សម្បជានការី ហោតិ.

សចេ ភិក្ខវេ នន្ទស្ស បុរត្ថិមា ទិសា អាលោកេតព្ពា ហោតិ, សព្ពំ ចេតសា សមន្នាហរិត្វា នន្ទោ បុរត្ថិមំ ទិសំ អាលោកេតិ ‘ឯវំ មេ បុរត្ថិមំ ទិសំ អាលោកយតោ នាភិជ្ឈា ទោមនស្សា បាបកា អកុសលា ធម្មា អន្វាស្សវិស្សន្តី’តិ. ឥតិហ សាត្ថក សម្បជានោ ហោតិ. សចេ ភិក្ខវេ នន្ទស្ស បច្ឆិមា ទិសា, ឧត្តរា ទិសា, ទក្ខិណា ទិសា, ឧទ្ធំ, អធោ, អនុទិសា អនុវិលោកេតព្ពា ហោតិ, សព្ពំ ចេតសា សមន្នាហរិត្វា នន្ទោ អនុទិសំ អនុវិលោកេតិ ‘ឯវំ មេ អនុទិសំ អនុវិលោកយតោ…បេ… សម្បជានោ ហោតីតិ….

ភវង្គា វជ្ជនញ្ចេវ, ទស្សនំ សម្បដិច្ឆនំ;

សន្តីរណំ វោដ្ឋព្ពនំ, ជវនំ ភវតិ សត្តមំ.

សមិញ្ជិតេ បសារិតេ សម្បជានការី ហោតិ.

សមិញ្ជិតេ បហារិតេតិ បព្ពានំ សមិញ្ជន បសារណេ.

កស្មា ភន្តេ សហសា ហត្ថំ សមិញ្ជិត្វា បុន យថាឋានេ ឋបេត្វា សណិកំ សមិញ្ជិត្ថាតិ.

យតោ បដ្ឋាយ មយា អាវុសោ កម្មដ្ឋានំ មនសិកាតុំ អារទ្ធោ, ន មេ កម្មដ្ឋានំ មុញ្ជិត្វា ហត្ថោ សមិញ្ជិតបុព្ពោ, ឥទានិ បន មេ តុម្ហេហិ សទ្ធិំ កថយមានេន កម្មដ្ឋានំ មុញ្ចិត្វា សមិញ្ជិតោ, តស្មា បុន យថា ឋានេ ឋបេត្វា សមិញ្ជេសិន្តិ.

សាធុ ភន្តេ ភិក្ខុនា នាម ឯវរូបេន ភវិតព្ពន្តិ.

សង្ឃាដិបត្តចីវរធារណេ សម្បជានការី ហោតិ.

បុគ្គលបញ្ញត្តិអដ្ឋកថា

ឯកកនិទ្ទេស

កតមោ ច បុគ្គលោ សមយវិមុត្តោ, ឥធេកច្ចោ បុគ្គលោ កាលេន កាលំ សមយេន សមយំ អដ្ឋ វិមោក្ខេ កាយេន ផុសិត្វា វិហរតិ, បញ្ញាយ ចស្ស ទិស្វា ឯកច្ចេ អាសវា បរិក្ខីណា ហោន្តិ. អយំ វុច្ចតិ បុគ្គលោ សមយវិមុត្តោ.

អសមយវិមុត្ត

កតមោ ច បុគ្គលោ អសមយវិមុត្តោ, ឥធេកច្ចោ បុគ្គលោ នហេវ ខោ កាលេន កាលំ សមយេន សមយំ អដ្ឋវិមោក្ខេ កាយេន ផុសិត្វា វិហរតិ, បញ្ញាយ ចស្ស ទិស្វា អាសវា បរិក្ខីណា ហោន្តិ. អយំ វុច្ចតិ បុគ្គលោ អសមយវិមុត្តោ. សព្ពេបិ អរិយ បុគ្គលា អរិយេ វិមោក្ខេ អសមយវិមុត្តា.

កុប្បាកុប្បនិទ្ទេស

កតមោ ច បុគ្គលោ កុប្បធម្មោ, ឥធេកច្ចោ បុគ្គលោ លាភី ហោតិ រូបសហគតានំ វា អរូបសហគតានំ វា សមាបត្តីនំ, សោ ច ខោ ន និកាមលាភី ហោតិ ន អកិច្ឆលាភី ន អកសិរ លាភី, ន យត្ថិច្ឆកំ យទិច្ឆកំ យាវតិច្ឆកំ សមាបជ្ជតិបិ វុដ្ឋាតិបិ, ឋានំ ខោ បនេតំ វិជ្ឈតិ, យំ តស្ស បុគ្គលស្ស បមាទមាគម្ម តា សមាបត្តិយោ កុប្បេយ្យុំ. អយំ វុច្ចតិ បុគ្គលោ កុប្បធម្មោ.

សត្តក្ខត្តុបរម សោតាបន្ន

កតមោ ច បុគ្គលោ សត្តក្ខត្តុបរមោ, ឥធេកច្ចោ បុគ្គលោ តិណ្ណំ សំយោជនានំ បរិក្ខយា សោតាបន្នោ ហោតិ អវិនិបាត ធម្មោ និយតោ សម្ពោធិបរាយណោ, សោ សត្តក្ខត្តុំ ទេវេ ច មានុសេ ច សន្ធាវិត្វា សំសរិត្វា ទុក្ខស្សន្តំ ករោតិ, អយំ វុច្ចតិ បុគ្គលោ សត្តក្ខត្តុបរមោ.

សោតាបន្ន អធិប្បាយ្យ

សោតោ សោតោតិ ហិទំ សារិបុត្ត វុច្ចតិ, កតមោ នុខោ សារិបុត្ត សោតោតិ. អយមេវ ហិ ភន្តេ អរិយោ អដ្ឋង្គិកោ មគ្គោ សោតោ. សេយ្យថិទំ, សម្មាទិដ្ឋិ…បេ… សម្មាសមាធីតិ. សោតាបន្នោ សោតាបន្នោតិ ហិទំ សារិបុត្ត វុច្ចតិ, កតមោ នុខោ សារិបុត្ត សោតាបន្នោតិ. យោ ហិ ភន្តេ ឥមិនា អរិយេន អដ្ឋង្គិកេន មគ្គេន សមន្នាគតោ, អយំ វុច្ចតិ សោតាបន្នោ, ស្វាយំ អាយស្មា ឯវំនាមោ ឯវំគោត្តោ ឥតិ វាតិ, ឥតិវា….

កោលំ កោល សោតាបន្ន

កតមោ ច បុគ្គលោ កោលំ កោលោ. ឥធេកច្ចោ បុគ្គលោ តិណ្ណំ សំយោជនានំ បរិក្ខយា សោតាបន្នោ ហោតិ អវិនិបាតធម្មោ និយតោ សម្ពោធិបរាយណោ, សោ ទ្វេ វា តីណិ វា កុលានិ សន្ធាវិត្វា សំសរិត្វា ទុក្ខស្សន្តំ ករោតិ, អយំ វុច្ចតិ កោលំ កោលោ.

ឯកពីជី សោតាបន្ន

កតមោ ច បុគ្គលោ ឯកពីជី, ឥធេកច្ចោ បុគ្គលោ តិណ្ណំ សំយោជនានំ បរិក្ខយា សោតាបន្នោ ហោតិ អវិនិបាតធម្មោ និយតោ សម្ពោធិបរាយណោ, សោ ឯកំយេវ មានុសកំ ភវំ និព្ពត្តេត្វា ទុក្ខស្សន្តំ ករោតិ, អយំ វុច្ចតិ បុគ្គលោ ឯកពីជី.

សកទាគាមិនិទ្ទេស

កតមោ ច បុគ្គលោ សកទាគាមី, ឥធេ កច្ចោ បុគ្គលោ តិណ្ណំ សំយោជនានំ បរិក្ខយា រាគទោសមោហានំ តនុត្តា សកទាគាមី ហោតិ សកិទេវ ឥមំ លោកំ អាគន្ត្វា ទុក្ខស្សន្តំ ករោតិ. អយំ វុច្ចតិ បុគ្គលោ សកទាគាមី.