នមោ តស្ស ភគវតោ អរហតោ សម្មាសម្ពុទ្ធស្ស

អដ្ឋកថា

សំគាយនស្ស បុច្ឆា-វិស្សជ្ជនា

សទេវកោបិ ចេ លោកោ, អាគន្ត្វា តាសយេយ្យ មំ;

ន មេ បដិពលោ អស្ស, ជនេតុំ ភយភេរវំ.

សចេបិ ត្វំ មហិំ សព្ពំ, សសមុទ្ទំ សបព្ពតំ;

ឧក្ខិបិត្វា មហានាគ, ខិបេយ្យាសិ មមូបរិ;

នេវ មេ សក្កុណេយ្យាសិ, ជនេតុំ ភយភេរវំ;

អញ្ញទត្ថុ តវេវស្ស, វិឃាតោ ឧរគាធិប.

មា ទានិ កោធំ ជនយិត្ថ, ឥតោ ឧទ្ធំ យថា បុរេ;

សស្សឃាតញ្ច មាកត្ថ, សុខកាមា ហិ បាណិនោ;

ករោថ មេត្តំ សត្តេសុ, វសន្តុ មនុជា សុខំ.

ចត្តារោ អាសីវិសា ឧគ្គតេជា ឃោរវិសាតិ ខោ ភិក្ខវេ ចតុន្នេតំ មហាភូតានំ អធិវចនំ.

បញ្ច វធកា បច្ចត្ថិកាតិ ខោ ភិក្ខវេ បញ្ចន្នេតំ ឧបាទានក្ខន្ធានំ អធិវចនំ.

ឆដ្ឋោ អន្តរចរោ វធកោ ឧក្ខិត្តាសិកោតិ ខោ ភិក្ខវេ នន្ទីរាគស្សេតំ អធិវចនំ.

សុញ្ញោ គាមោតិ ខោ ភិក្ខវេ ឆន្នេតំ អជ្ឈត្តិកានំ អាយតនានំ អធិវចនំ.

ចោរា គាមឃាតកាតិ ខោ ភិក្ខវេ ឆន្នេតំ ពាហិរានំ អាយតនានំ អធិវចនំ.

មហាឧទកណ្ណវោ ខោ ភិក្ខវេ ចតុន្នេតំ ឱឃានំ អធិវចនំ.

ឱរិមំ តីរំ សាសង្កំ សប្បដិភយន្តិ ខោ ភិក្ខវេ សក្កាយស្សេតំ អធិវចនំ.

បារិមំ តីរំ ខេមំ អប្បដិភយន្តិ ខោ ភិក្ខវេ និព្ពានស្សេតំ អធិវចនំ.

វីរិយារម្ភស្សេតំ អធិវចនំ.

គន្ត្វា កស្មីរគន្ធារំ, ឥសិ មជ្ឈន្តិកា តទា;

ទុដ្ឋំ នាគំ បសាទេត្វា, មោចេសិ ពន្ធនា ពហូ.

បុនបិ ភន្តេ ទក្ខេមុ សង្គតិ ចេ ភវិស្សតិ.

អជ្ជាបិ សន្តានមយំ, មាលំ គន្ថេន្តិ នន្ទនេ;

ទេវបុត្តោ ជវោ នាម, យោ មេ មាលំ បដិច្ឆតិ.

មុហុត្តោវិយ សោ ទិព្ពោ, ឥធ វស្សានិ សោឡស;

រត្តិន្ទិវោ ច សោ ទិព្ពោ, មានុសិំ សរទោ សតំ.

ឥតិ កម្មានិ អន្វេន្តិ, អសង្ខេយ្យាបិ ជាតិយោ;

កល្យាណំ យទិ វា បាបំ, ន ហិ កម្មំ វិនស្សតិ.

យោ ឥច្ឆេ បុរិសោ ហោតុំ, ជាតិ ជាតិ បុនប្បុនំ;

បរទារំ វិវជ្ជេយ្យ, ធោតបាទោវ កទ្ទមំ.

យា ឥច្ឆេ បុរិសោ ហោតុំ, ជាតិ ជាតិ បុនប្បុនំ;

សាមិកំ អបចាយេយ្យ, ឥន្ទំវ បរិចារិកា.

យោ ឥច្ឆេ ទិព្ពភោគញ្ច, ទិព្ពមាយុំ យសំ សុខំ;

បាបានិ បរិវជ្ជេត្វា, តិវិធំ ធម្មមាចរេ.

យំ ភិក្ខវេ សទេវកស្ស លោកស្ស សមារកស្ស សព្រហ្មកស្ស សស្សមណព្រាហ្មណិយា បជាយ សទេវមនុស្សាយ ទិដ្ឋំ សុតំ មុតំ វិញ្ញាតំ បត្តំ បរិយេសិតំ អនុវិចរិតំ មនសា, តមហំ ជានាមិ តមហំ អភិញ្ញាសិំ, តំ តថាគតស្ស វិទិតំ, តំ តថាគតោ ន ឧបដ្ឋាតិ.

ឥតិ ខោ ភិក្ខវេ តថាគតោ ទិដ្ឋសុតមុតវិញ្ញាតព្ពេសុ ធម្មេសុ តាទីយេវ តាទី, តុម្ហា ច បន តាទិម្ហា អញ្ញោ តាទី ឧត្តរិតរោ វា បណីតតរោ វា នត្ថីតិ វទាមិ.

សុវណ្ណភូមិំ គន្ត្វាន, សោណុត្តរា មហិទ្ធិកា;

បិសាចេ និទ្ធមេត្វាន, ព្រហ្មជាលមទេសិសុំ.

សមណា មយំ មហារាជ, ធម្មរាជស្ស សាវកា;

តវេវ អនុកម្បាយ, ជម្ពុទីបា ឥធាគតា.

អហំ ពុទ្ធញ្ច ធម្មញ្ច, សង្ឃញ្ច សរណំ គតោ,

ឧបាសកត្តំ ទេសេសិំ, សក្យបុត្តស្ស សាសនេ.

តេន សមយេន ពុទ្ធោ ភគវា វេរញ្ជាយំ វិហរតិ នឡេរុបុចិ មន្ទមូលេ.

សគ្គារោហណសោបាណំ, អញ្ញំ សីលសមំ កុតោ;

ទ្វារំ វា បន និព្ពាន, នគរស្ស បវេសនេ.

អលមេវ កាតុំ កល្យាណំ, ទានំ ទាតុំ យថារហំ;

បាណិំ កាមទទំ ទិស្វា, កោ បុញ្ញំ នករិស្សតិ.

ទស្សាមន្នញ្ច បានញ្ច, វត្ថសេនាសនានិ ច;

បបញ្ច ឧទបានញ្ច, ទុគ្គេ សង្កមនានិ ច.

មហាអដ្ឋកថញ្ចេវ, មហាបច្ចរិមេវច;

កុរុន្ទិញ្ចាតិ តិស្សោបិ, សីហឡដ្ឋកថា ឥមា;

ពុទ្ធមិត្តោតិ នាមេន, វិសុតស្ស យសស្សិនោ;

វិនយញ្ញុស្ស ធីរស្ស, សុត្វា ថេរស្ស សន្តិកេ.

ឧបទ្ទវាកុលេ លោកេ, និរុបទ្ទវតោ អយំ;

ឯកសំវច្ឆរេនេវ, យថា និដ្ឋំ ឧបាគតា;

ឯវំ សព្ពស្ស លោកស្ស, និដ្ឋំ ធម្មូបសំហិតា;

សីឃំ គច្ឆន្តុ អារម្ភា, សព្ពេបិ និរុបទ្ទវា.

ចិរដ្ឋិតត្ថំ ធម្មស្ស, ករោន្តេន មយា ឥមំ;

សទ្ធម្មពហុមានេន, យញ្ច បុញ្ញំ សមាចិតំ;

សព្ពស្ស អានុភាវេន, តស្ស សព្ពេបិ បាណិនោ;

ភវន្តុ ធម្មរាជស្ស, សទ្ធម្មរសសេវិនោ.

ចិរំ តិដ្ឋតុ សទ្ធម្មោ, កាលេ វស្សំ ចិរំ បជំ;

តប្បេតុ ទេវោ ធម្មេន, រាជា រក្ខតុ មេទិនិំ.

តាវ តិដ្ឋតុ លោកស្មិំ, លោកនិត្ថរណេសិនំ;

ទស្សេន្តី កុលបុត្តានំ, នយំ សីលវិសុទ្ធិយា;

យាវ ពុទ្ធោតិ នាមម្បិ, សុទ្ធចិត្តស្ស តាទិនោ;

លោកម្ហិ លោកជេដ្ឋស្ស, បវត្តតិ មហេសិនោ.

ករុណាសីតលហទយំ, បញ្ញាបជ្ជោតវិហតមោហតមំ;

សនរាមរលោកគរុំ, វន្ទេ សុគតំ គតិវិមុត្តំ.

ពុទ្ធោបិ ពុទ្ធភាវំ, ភាវេត្វា ចេវ សច្ឆិកត្វាច;

យំ ឧបគតោ គតមលំ, វន្ទេ តមនុត្តរំ ធម្មំ.

សុគតស្ស ឱរសានំ, បុត្តានំ មារសេនមថនានំ;

អដ្ឋន្នម្បិ សមូហំ, សិរសា វន្ទេ អរិយសង្ឃំ.

ទីឃស្ស ទីឃសុត្តង្កិតស្ស, និបុណស្ស អាគមវរស្ស;

ពុទ្ធានុពុទ្ធសំវណ្ណិតស្ស, សទ្ធាវហគុណស្ស.

សម្មាសម្ពុទ្ធេនេវ ហិ តិណ្ណម្បិ បិដកានំ អត្ថវណ្ណនាក្កមោ ភាសិតោ, យាបកិណ្ណកទេសនាតិ វុច្ចតិ, តតោ សំគាយនាទិវសេន សាវកេហីតិ អាចរិយា វទន្តិ.

អត្ថប្បកាសនត្ថំ, អដ្ឋកថា អាទិតោ វសិសតេហិ;

បញ្ចហិ យាសង្គីតា, អនុសង្គីតា ច បច្ឆាបិ.

មជ្ឈេ វិសុទ្ធិមគ្គា, ឯស ចតុន្នម្បិ អាគមានញ្ហិ;

ឋត្វា បកាសយិស្សតិ, តត្ថ យថា ភាសិតមត្ថំ;

ឥច្ចេវ កតោ តស្មា, តម្បិ គហេត្វាន សទ្ធិមេតាយ;

អដ្ឋកថាយ វិជានាថ, ទីឃាគមនិស្សិតំ អត្ថំ.

អត្ថានំ សូចនតោ, សុវុត្តតោ សវនតោថសូទនតោ,

សុត្តាណា សុត្តសភាគតោច, សុត្តន្តិ អក្ខាតំ.

សុទុទ្ទសំ សុនិបុណំ, យត្ថកាមនិបាតិនំ;

ចិត្តំ រក្ខេថ មេធាវី, ចិត្តំ គុត្តំ សុខាវហំ.

សោ ឯវំ សមាហិតេ ចិត្តេ បរិសុទ្ធេ បរិយោទាតេ អនង្គណេ វិគតូបក្កិលេសេ មុទុភូតេ កម្មនិយេ ឋិតេ អានញ្ជប្បត្តេ ញាណទស្សនាយ ចិត្តំ អភិនីហរតិ អភិនិន្នាមេតិ –

យំហិតំ ភិក្ខវេ សម្មាវទមានេ វទេយ្យ សមន្តបាសោ មារស្សាតិ, មាតុគាមំយេវ សម្មា វទមានោ វទេយ្យ សមន្តបាសោ មារស្សាតិ.

យោ ភិក្ខុ ទិវសំ ចង្កមេន និសជ្ជាយ ច អាវរណីយេហិ ធម្មេហិ ចិត្តំ បរិសោធេត្វា.

ឥតិ ចិត្តកិរិយវាយោធាតុវិប្ផារវសេន អយំ កាយសម្មតោ អដ្ឋិសង្ឃាតោ អភិក្កមតិ.

ករុណា វិយ សត្តេសុ, បញ្ញា យស្ស មហេសិនោ;

ញេយ្យធម្មេសុ សព្ពេសុ, បវត្តិត្ថ យថារុចិ.

ទសាយ តាយ សត្តេសុ, សមុស្សាហិតមានសោ;

បាដិហីរាវសានម្ហិ, វសន្តោ តិទសាលយេ;

បារិច្ឆត្តកមូលម្ហិ, បណ្ឌុកម្ពលនាមកេ;

សិលាសនេ សន្និសិន្នោ, អាទិច្ចោវ យុគន្ធរេ.

ចក្កវាឡសហស្សេហិ, ទសាហាគម្ម សព្ពសោ;

សន្និសិន្នេន ទេវានំ, គណេន បរិវារិតោ;

មាតរំ បមុខំ កត្វា, តស្សា បញ្ញាយ តេជសា;

អភិធម្មកថាមគ្គំ, ទេវានំ សម្បវត្តយិ.

តស្ស បាទេ នមស្សិត្វា, សម្ពុទ្ធស្ស សិរីមតោ;

សទ្ធម្មញ្ចស្ស បូជេត្វា, កត្វា សង្ឃស្ស ចញ្ជលិំ.

យំ ទេវទេវោ ទេវានំ, ទេសេត្វា នយតោ បុន;

ថេរស្ស សារិបុត្តស្ស, សមាចិក្ខិ វិនាយកោ.

អនោតត្តទហេ កត្វា, ឧបដ្ឋានំ មហេសិនោ;

យញ្ច សុត្វាន សោ ថេរោ, អាហរិត្វា មហីតលំ.

ភិក្ខូនំ បរិរុទាហាសិ, ឥតិ ភិក្ខូហិ ធារិតោ;

សង្គីតិកាលេ សំង្គីតោ, វេទេហមុនិនា បុន.

យំ ករោមសិ ព្រហ្មុនោ, សមំ ទេវេហិ មារិស;

តទជ្ជ តុយ្ហំ កស្សាម, ហន្ទ សាមំ ករោម តេ.

អត្ថំ បកាសយិស្សាមិ, អាគមដ្ឋកថាសុបិ;

គហេតព្ពំ គហេត្វាន, តោសយន្តោ វិចក្ខណេ.

ឥតិមេ ភាសមានស្ស, អភិធម្មកថំ ឥមំ;

អវិក្ខិត្តា និសាមេថ, ទុល្លភាហិអយំកថា.

ឯត្ថេតេ បាបកា អកុសលា ធម្មា អបរិសេសា និរុជ្ឈន្តិ.

ចក្ខុំ ចាវុសោ បដិច្ច រូបេច ឧប្បជ្ជតិ ចក្ខុវិញ្ញាណំ, តិណ្ណំ សង្គតិ ផស្សោ, ផស្សបច្ចយា វេទនា, យំ វេទេតិ, តំ សញ្ជានាតិ. យំ សញ្ជានាតិ, តំ វិតក្កេតិ, យំ វិតក្កេតិ, តំ បបញ្ចេតិ, យំ បបញ្ចេតិ, តតោ និទានំ បុរិសំ បបញ្ចសញ្ញាសង្ខា សមុទាចរន្តិ អតីតានាគតបច្ចុប្បន្នេសុ ចក្ខុវិញ្ញេយ្យសុ រូបេសុ –

បុរិមា ភិក្ខវេ កោដិ ន បញ្ញាយតិ អវិជ្ជាយ.

អត្ថេវ គម្ភីរគតំ សុទុព្ពុធំ,

សយំ អភិញ្ញាយ សហេតុសម្ភវំ;

យថានុបុព្ពំ និខិលេន ទេសិតំ,

មហេសិនា រូបគតំវ បស្សតិ.

អភិក្កមិស្សាមិ បដិក្កមិស្សាមីតិ ហិ ចិត្តំ ឧប្បជ្ជមានំ រូបំ សមុដ្ឋាបេតិ.

ន អន្តលិក្ខេន ន សមុទ្ទមជ្ឈេ,

ន បព្ពតានំ វិវរំ បវិស្ស;

ន វិជ្ជតេ សោ ជគតិប្បទេសោ,

យត្ថដ្ឋិតោ មុច្ចេយ្យ បាបកម្មា.

យំ បត្តំ កុសលំ តស្ស, អានុភាវេន បាណិនោ;

សព្ពេ សទ្ធម្មរាជស្ស, ញត្វា ធម្មំ សុខាវហំ;

បាបុណន្តុ វិសុទ្ធាយ, សុខាយ បដិបត្តិយា;

អសោកមនុបាយាសំ, និព្ពានសុខមុត្តមំ.

ចិរំ តិដ្ឋតុ សទ្ធម្មោ, ធម្មេ ហោន្តុ សគារវា;

សព្ពេបិ សត្តា កាលេន, សម្មា ទេវោ បវស្សតុ;

យថា រក្ខិំសុ បោរាណា, សុរាជានោ តថេវិមំ;

រាជា រក្ខតុ ធម្មេន, អត្តនោវ បជំបជំ.

តាវ តិដ្ឋតុ លោកស្មិំ, លោកនិត្ថរណេសិនំ;

ទស្សេន្តី កុលបុត្តានំ, នយំ បញ្ញាវិសុទ្ធិយា;

យាវ ពុទ្ធោតិ នាមម្បិ, សុទ្ធចិត្តស្ស តាទិនោ;

លោកម្ហិ លោកជេដ្ឋស្ស, បវត្តតិ មហេសិនោ.

ទុតិយសន្និបាត

មហាបទានសុត្ត អដ្ឋកថា

បុច្ឆា – អដ្ឋកថា សំគីតិយា អាវុសោ បឋមេ សន្និបាតេ សកលា ច វិនយសំវណ្ណនា ទីឃនិកាយេ ច សីលក្ខន្ធវគ្គវណ្ណនា អភិធម្មេ ច ធម្មសង្គហសំវណ្ណនា សំគីតា ថេរេហិ ឆដ្ឋសំគីតិការេហិ. ឥទានិ បន ទុតិយេ សន្និបាតេ ទីឃនិកាយេ មហាវគ្គវណ្ណនាតោ បដ្ឋាយ តទវសេសានំ យថាវវត្ថិតសំវណ្ណនានំ សំគាយនោកាសោ អនុប្បត្តោ. តស្មា ឥមិស្សា ទុតិយសន្និបាតសំគីតិយា បុព្ពកិច្ចវសេន យថានុប្បត្តាយ មហាវគ្គេ មហាបទានសុត្តសំវណ្ណនាយ បុច្ឆាវិស្សជ្ជនំ កាតុំ សមារភាម. មហាបទានសុត្តស្ស អាវុសោ និទានេ បរិយាបន្នស្ស ‘‘ករេរិកុដិកាយ’’ន្តិបទស្ស អត្ថោ កថំ អដ្ឋកថាចរិយេន កថិតោ.

វិស្សជ្ជនា – មហាបទានសុត្តស្ស ភន្តេ និទានេ បរិយាបន្នស្ស ករេរិកុដិកាយន្តិបទស្ស អត្ថោ ‘‘ករេរិកុដិកាយ’’ន្តិ ករេរីតិ វរុណរុក្ខស្ស នាមំ. ករេរិមណ្ឌបោ តស្សា កុដិកាយ ទ្វារេ ឋិតោ, តស្មា ករេរិកុដិកាតិ វុច្ចតិ. យថា កោសម្ពរុក្ខស្ស ទ្វារេឋិតត្តា កោសម្ពកុដិកាតិ ឯវមាទិនា ភន្តេ អដ្ឋកថាចរិយេន កថិតោ.

ករេរិកុដិកាយន្តិ ករេរីតិ វរុណរុក្ខស្ស នាមំ.

ករេរិមណ្ឌបោ តស្សា កុដិកាយ ទ្វារេ ឋិតោ, តស្មា ករេរិកុដិកាតិ វុច្ចតិ. យថា កោសម្ពរុក្ខស្ស ទ្វារេ ឋិតត្តា ឯកាសម្ពកុដិកាតិ.

អន្តោជេតវនេ កិរ ករេរិកុដិ កោសម្ពកុដិ គន្ធកុដិ សលឡាគារន្តិ ចត្តារិ មហាគេហានិ –

ឯកេកំ សតសហស្សបរិច្ចាគេន និប្ផន្នំ.

តេសុ សលឡាគារំ រញ្ញា បសេនទិនា ការិតំ.

បុព្ពេនិវាស