៥,១៧៣. គម យមិ+សាស ទិសានំ វា ច្ឆង

ឯតេសំ វា ច្ឆង ហោតិ ន្ត+មាន+ត្យាទីសុ. ង-នុពន្ធត្តា អន្តស្ស ហោតិ, គច្ឆន្តោ គច្ឆមានោ. យម=ឧបរមេ, យច្ឆន្តោ យច្ឆមានោ. ឥច្ឆន្តោ ឥច្ឆមានោ. អាស=ឧបវេសនេ, អច្ឆន្តោ អច្ឆមានោ, ‘‘ព្យញ្ជនេ’’ច្ចាទិនា រស្សោ. ទិស=អតិសជ្ជនេ, ទិច្ឆន្តោ ទិច្ឆមានោ. វវត្ថិតវិភាសត្តា វាសទ្ទស្ស អញ្ញបច្ចយេសុ ច ក្វចិ, ឥច្ឆីយតីតិ ឥច្ឆិតព្ពំ, ឥច្ឆនំ ឥច្ឆា, ‘‘ឥត្ថិយ+មណា’’ ទិនា អប្បច្ចយោ. ឥច្ឆិតំ, ឥច្ឆិតព្ពំ, ឥច្ឆិតុំ. អញ្ញេសញ្ច យោគវិភាគា, បវេច្ឆន្តោ.