៧៨. ឯយ្យាមស្សេ+មុ ច

ឯយ្យាមស្ស ឯមុ វា ហោតិ ឧ ច. កិន្នុ ខោ មយំ ភវេមុ ភវេយ្យាមុ ភវេយ្យាម. បរច្ឆក្កេ-ភវេថ, ភវេរំ. ភវេថោ, ភវេយ្យាវ្ហោ. ភវេ ភវេយ្យំ, ភវេយ្យាម្ហេ. កម្មេ-សុខំ តយា អនុភុយ្យេ អនុភុយ្យេយ្យ, អនុភុយ្យុំ អនុភូយេយ្យុំ. តេន ត្វំ អនុភូយេ អនុភូយេយ្យាសិ, តុម្ហេ អនុភូយេយ្យាថោ អនុភូយេយ្យាថ. តេនា+ហំ អនុភូយេយ្យាមិ, មយំ អនុភូយេមុ អនុភូយេយ្យាមុ អនុភូយេយ្យាម. បរច្ឆក្កេ-អនុភូយេថ ឥច្ចាទិ. ភាវេ-ភូយេ ភូយេយ្យ ភូយេថ.

វិធិម្ហិ-សោ ឱទនំ បចេ បចេយ្យ ឥច្ចាទិ. កម្មេ-បចីយេ បចីយេយ្យ បច្ចេ បច្ចេយ្យ ឥច្ចាទិ.

អនុមតិយំ-សោ គាមំ គច្ឆេ គច្ឆេយ្យ ឥច្ចាទិ. អញ្ញត្រ គមេ គមេយ្យ ឥច្ចាទិ. តថា ឃម្មេ ឃម្មេយ្យ ឥច្ចាទិ.

បាតោ បចេយ្យ ចេ ភុញ្ជេ, ឥច្ចេ+ត្ថ បចនក្រិយា;

ហេតុភូតាតិ វិញ្ញេយ្យា, ផលំ ត្វ+នុភវក្រិយា.