៣. នាមេ គរហាវិម្ហយេសុ

នាមសទ្ទេ និបាតេ សតិ គរហាយំ វិម្ហយេ ច គម្យមានេ ស្សត្យាទយោ ហោន្តិ. ឥមេ ហិ នាម កល្យាណធម្មា បដិជានិស្សន្តិ. ឯត្ថ ‘‘ជ្យាទីហិ ក្នា’’តិ ក្នាវិករណេ ‘‘ញាស្សនេ ជា’’តិ ជាទេសោ. ន ហិ នាម ភិក្ខវេ តស្ស មោឃបុរិសស្ស បាណេសុ អនុទ្ទយា ភវិស្សតិ. កថញ្ហិ នាម សោ ភិក្ខវេ មោឃបុរិសោ សព្ពមត្តិកាមយំ កុដិកំ ករិស្សតិ. វិម្ហយេ-អច្ឆរិយំ វត ភោ, អព្ភុតំ វត ភោ, សន្តេន វត ភោ បព្ពជិតា វិហារេន វិហរន្តិ, យត្រ ហិ នាម សញ្ញី សមានោ ជាគរោ បញ្ចមត្តានិ សកដសតានិ និស្សាយ និស្សាយ អតិក្កន្តានិ នេវ ទក្ខិតិ, ន បន សទ្ទំ សោស្សតិ. អច្ឆរិយំ អន្ធោ នាម បព្ពត+មារោហិស្សតិ, ពធិរោ នាម សទ្ទំ សោស្សតិ. (ភវិស្សន្តិបច្ចយនយោ).