៨០. ទណ្ឌាទិត្វិ+ក+ឦ វាតិ

ឥក+ឦ ហោន្តិ វា មន្តត្ថេ. ពហុលំវិធានា កុតោចិសទ្ទតោ ទ្វេ ហោន្តិ, កុតោ ចេ+កមេកំវ. និច្ចយុត្តោ ទណ្ឌោ អស្ស អត្ថីតិ ទណ្ឌិកោ ទណ្ឌី. គន្ធិកោ គន្ធី. វាត្វេវ, ទណ្ឌវា.

‘‘ឧត្តមិណេវ ធនា ឥកោ’’តិ គណសុត្តេន ឥកោ ធនិកោ. អញ្ញោ ធនី ធនវា.

‘‘អសន្និហិតេ អត្ថា’’ អសន្និហិតោ អត្ថោ អស្ស អត្ថីតិ អត្ថិកោ អត្ថី. សន្និហិតេ អត្ថវា. ‘‘តទន្តា ច’’ បុញ្ញត្ថោ អស្ស អត្ថីតិ បុញ្ញត្ថិកោ បុញ្ញត្ថី.

‘‘វណ្ណន្តា ឦយេវ’’. ព្រហ្មវណ្ណំ អស្ស អត្ថីតិ ព្រហ្មវណ្ណី, ទេវវណ្ណី.

‘‘ហត្ថទន្តេហិ ជាតិយំ’’. ហត្ថ+មស្ស អត្ថីតិ ហត្ថី, ទន្តី. អញ្ញត្រ ហត្ថវា ទន្តវា.

‘‘វណ្ណតោ ព្រហ្មចារិម្ហិ’’. វណ្ណោ អស្ស អត្ថីតិ វណ្ណិកោ ព្រហ្មចារី.

‘‘បោក្ខរាទិតោ ទេសេ’’. បោក្ខរំ ជលំ បទុមំ វា អស្ស អត្ថីតិ បោក្ខរី, ‘‘យុវណ្ណេហិ នី’’តិ នីម្ហិ ‘‘ឃរណ្យាទយោ’’តិ ឦស្ស អត្តំ, នស្ស ណោ ច, បោក្ខរណី, ឧប្បលិនី, កុមុទិនី, ភិសិនី, មុលាលិនី, សាលុកិនី.

‘‘ក្វចា+ទេសេបិ’’. បទុម+មស្ស អត្ថីតិ បទុមី បទុមិនី បទុមិនីបណ្ណំ. ទេសតោ+ញ្ញត្រ បោក្ខរវា ហត្ថី.

‘‘នាវាយិ+កោ’’ នាវិកោ. សិខី, ពាលី, សីលី, ពលី.

‘‘សុខទុក្ខា ឦ’’. សុខី ទុក្ខី. ‘‘ពលា ពាហូរុបុព្ពា ច’’. ពាហុពលី, ឩរុពលី.