៦៦. តស្ស វិការាវយវេសុ ណ+ណិក+ណេយ្យ+មយា

បកតិយា ឧត្តរ+មវត្ថន្តរំ វិការោ. ឆដ្ឋិយន្តា នាមស្មា វិការេ+វយវេ ច ណាទយោ ហោន្តិ ពហុលំ. ណ-អយសោ វិការោ អាយសំ ពន្ធនំ, សកាគមោ. ឧទុម្ពរស្ស អវយវោ វិការោ វា ឱទុម្ពរំ ភស្មំ បណ្ណំ វា. កាបោតំ មំសំ សត្តិ វា. ណិក-កប្បាសស្ស វិការោ កប្បាសិកំ វត្ថំ. ណេយ្យ-ឯណិស្ស វិការោ+វយវោ វា ឯណេយ្យំ. កោសានំ វិការោ កោសេយ្យំ វត្ថំ. មយ-តិណានំ វិការោ តិណមយំ, ទារុមយំ, នឡមយំ, មត្តិកាមយំ, សុវណ្ណមយោ រថោ, រូបិយមយំ. ‘‘អញ្ញស្មិំ’’តិ មយោ, គុន្នំ ករីសំ គោមយំ.