៣. កត្តិកាវិធវាទីហិ ណេយ្យណេរា

កត្តិកាទីហិ វិធវាទីហិ ច ណេយ្យណេរប្បច្ចយា ហោន្តិ វា យថាក្កមំ. កត្តិកាយ អបច្ចំ កត្តិកេយ្យោ, គរុឡោ វិនតាយ=សុបណ្ណមាតុយា អបច្ចំ វេនតេយ្យោ. រោហិណិយា អបច្ចំ រោហិណេយ្យោ, គង្គាយ អបច្ចំ គង្គេយ្យោ. ឯវំ ភាគិនេយ្យោ, នាទេយ្យោ, អន្តេយ្យោ, អាហេយ្យោ, កាបេយ្យោ, សុចិយា អបច្ចំ សោចេយ្យោ, ពាលេយ្យោ. ណេរេ-វិធវាយ អបច្ចំ វេធវេរោ. ពន្ធកិយា=អភិសារិកាយ អបច្ចំ ពន្ធ-កេរោ. សមណស្ស ឧបជ្ឈាយស្សា+បច្ចំ សាមណេរោ, នាឡិកេរោ ឥច្ចាទិ.