១៤. ត+មធីតេ តំ ជានាតិ ក+ណិកា ច

ទុតិយន្តតោ ត+មធីតេ តំ ជានាតីតិ ឯតេស្វ+ត្ថេសុ ណោ ហោតិ កោ ណិកោ ច. ឯត្ថ ចសទ្ទោ កោ ចណិកោ ច ហោតីតិ សមុច្ចិនោ, នោ ណបច្ចយំ. ព្យាករណ+មធីតេ ជានាតីតិ វា វេយ្យាករណោ, វិ+អា+ករណន្តិ វិច្ឆិជ្ជ កតយាទេសស្សិ+ការស្ស ‘‘តទាទេសា តទីវ ភវន្តី’’តិ ញាយា ‘‘សរាន’’មិច្ចាទិនា ឯការេ យាគមទ្វិត្តានិ. ឯវំ មោហុត្តោ, នេមិត្តោ, អង្គវិជ្ជោ, វត្ថុវិជ្ជោ, ឆន្ទសោ, ‘‘មនា, ទីនំ សក’’ ឥតិ សកាគមោ. កមកោ, បទកោ, វេនយិកោ, សុត្តន្តិកោ, អាភិធម្មិកោ. ទ្វិតគ្គហណំ អជ្ឈេនជាននេ ច វិសុំ វិសុំ បច្ចយវិធានត្ថំ, អជ្ឈេនវិសយទស្សនត្ថំ, បសិទ្ធុបសំហរណត្ថញ្ច.