១៣៤. អាយុស្សា+យស មន្តុម្ហិ

មន្តុម្ហិ អាយុស្ស អាយសាទេសោ ហោតិ. អាយុ អស្ស អត្ថីតិ អាយស្មា. គោ អស្សោតិ ជាតិសទ្ទានំ ទព្ពាភិធាន- សាមត្ថិយា មន្ត្វាទយោ ន ហោន្តិ, តថា គុណសទ្ទានំ សេតោ បដោតិ. យេសំ តុ គុណសទ្ទានំ ទព្ពាភិធានសាមត្ថិយំ នត្ថិ, តេហិ ហោន្តេវ, ពុទ្ធិ អស្ស អត្ថីតិ ពុទ្ធិមា. ‘‘វន្ត្វ+វណ្ណា’’តិ វន្តុម្ហិ រូបវា រសវា គន្ធវា សទ្ទវា. ‘‘ទណ្ឌាទិត្វិ+កឦ វា’’តិ ឥក+ឦ, រសី រសិកោ, រូបី រូបិកោ, គន្ធី គន្ធិកោតិ.