៧. តិដ្ឋគ្វាទីនិ

តិដ្ឋគុអាទីនិ អញ្ញត្ថេន សិទ្ធាបិ អស្មិំ អសំខ្យសមាសេ និបាតិយន្តិ. តិដ្ឋន្តិ គាវោ យស្មិំ កាលេតិ តិដ្ឋន្តសទ្ទ+គោសទ្ទេហិ បឋមាយោម្ហិ កតេ ‘‘វា+នេកញ្ញត្ថេ’’តិ សមាសោ, ឥមិនា និបាតនា លោបេ នបុំសកត្ថេ ច កតេ សិម្ហិ គោស្ស ‘‘គោស្សុ’’តិ ឧការេ ‘‘បុព្ពស្មា+មាទិតោ’’តិ វិភត្តិលោបោ. ឯវំ វហន្តី គាវោ យស្មិំ កាលេតិ វហគ្គុ ឥច្ចាទិ. វេលាប្បកាសកបាតោអាទីនម្បិ ឯត្ថេវ សង្គហោ, បាតោ នហានន្តិ សត្តមីអមាទិសមាសេ បាតនហានំ, ឯវំ សាយនហានំ, បាតកាលំ, សាយកាលំ, បាតមេឃំ, សាយមេឃំ, បាតមគ្គំ, សាយមគ្គំ, ឯត្ថ ‘‘ឯឱន+ម វណ្ណេ’’តិ អការោ, និគ្គហីតស្ស លោបោ ច ហោតិ.