៤៥. ទីឃាហោវស្សេកទេសេហិ ច រត្ត្យាតិ

ទីឃាទីហិ បរាយ រត្តិយា អ ហោតិ. ទីឃា ច សា រត្តិ ចាតិ ទីឃរត្តំ. អហោ ច រត្តិ ច អហោរត្តំ, អាបាទិត្តា ឱ. វស្សាសុ រត្តិ វស្សារត្តំ. បុព្ពា ច សា រត្តិ ចាតិ បុព្ពរត្តំ. ឯវំ អបររត្តំ, អឌ្ឍរត្តំ, អតិក្កន្តោ រត្តិំ អតិរត្តោ. ទ្វេ រត្តិយោ សមាហដា ទ្វិរត្តំ. អនញ្ញាសំខ្យត្ថេសុ ត្វេវ, ទីឃា រត្តិ អស្មិន្តិ ទីឃរត្តិ, ហេមន្តោ. រត្តិយា សមីបំ ឧបរត្តិ. ពហុលំវិធានា ក្វចិ ហោតេវ, រត្តិបរិមាណានុរូបំ យថារត្តំ.