៧៨. ជាយាយ ជយំ បតិម្ហិ

បតិម្ហិ បរេ ជាយាយ ជយំ ហោតិ. ជាយា ច បតិ ច ជយម្បតយោ. ជានិបតីតិ បកតន្តរេន សិទ្ធំ, ជានិ ច បតិ ច ជានិបតិ. ឯវំ ជម្បតិ ទម្បតីតិ.

ក្វចិ អប្បសរំ បុព្ពំ និបតតិ, យថា-ចន្ទោ ច សូរិយោ ច ចន្ទសូរិយា, និគមា ច ជនបទា ច និគមជនបទា. ឯវំ សុរាសុរគរុឌមនុជភុជគគន្ធព្ពា.

ក្វចិ ឥវណ្ណុ+វណ្ណន្តានំ បុព្ពនិបាតោ, យថា-អគ្គិធុមា, គតិពុទ្ធិភុជបឋហរករសយា, ធាតុលិង្គានិ.

ក្វចិ សរាទិអការន្តំ បុព្ពំ និបតតិ, យថា-អត្ថធម្មា, អត្ថសទ្ទា, សទ្ទត្ថា វា.

អញ្ញមញ្ញសាបេក្ខានមេវ តិរោហិតាវយវភេទោ សមុទាយបធានោ សមាហារោ, យថា-ឆត្តញ្ច ឧបាហនា ច ឆត្តុបាហនំ.