១៣. កុបាទយោ និច្ច+មស្យាទិវិធិម្ហិ

កុសទ្ទោ បាទយោ ច ស្យាទ្យន្តេន សហេ+កត្ថា ហោន្តិ និច្ចំ ស្យាទិវិធិវិសយតោ+ញ្ញត្ថ. ឯត្ថ អព្យភិចារិបាទិសហចរណត្ថេន កុឥតិ និបាតោវ, ន បថវីវាចកោ កុសទ្ទោ. ស្យាទិវិធិវិសយោ នាម ‘‘លក្ខណិត្ថម្ភូតា’’ ទិនា បតិអាទីនំ វិសយេ កតទុតិយា, តញ្ច អន្វទ្ធមាសន្តិ អសំខ្យសមាស+មិវ មា ហោតូតិ ‘‘អស្យាទិវិធិម្ហី’’តិ និសេធោ. កុច្ឆិតោ ព្រាហ្មណោ កុព្រាហ្មណោ, និច្ចសមាសត្តា អសបទេន វិគ្គហោ.