៣៤. យព្ភាវោ ភាវលក្ខណំ

យស្ស ភាវោ ភាវន្តរស្ស លក្ខណំ ភវតិ, តតោ សត្តមី. កាលេ គាវីសុ ទុយ្ហមានាសុគតោ, ទុទ្ធាសុ អាគតោ. ឯត្ថគមនក្រិយាយ ទោហនក្រិយាចិហនំ, អាគមនក្រិយាយ ទុទ្ធាក្រិយាចិហនំ, ឯវ+មុបរិបិ. បុព្ពណ្ហសមយេ គតោ, សាយន្ហសមយេ អាគតោ, ជាយមានេ ខោ សារិបុត្ត ពោធិសត្តេ អយំ ទសសហស្សី លោកធាតុ សម្បកម្បិ.

បាសាណា សក្ខរា ចេវ, កឋលា ខាណុកណ្ដកា;

សព្ពេ មគ្គា វិវជ្ជន្តិ, គច្ឆន្តេ លោកនាយកេ.

ឥមស្មិំ សតិ ឥទំ ហោតិ ឥច្ចាទិ. ‘‘អកាលេ វស្សតី តស្ស, កាលេ តស្ស ន វស្សតី’’តិ វិសយសត្តមី.