១៤៦. ភវតោ វា ភោន្តោគ+យោ+នា+សេ

ភវន្តសទ្ទស្ស ភោន្តាទេសោ វា ហោតិ គ+យោ+នា+សេ. ន្តោអាទេសោ, ភោន្តោ ភោន្តា ភវន្តោ ភវន្តា. គេ បន ភោ ភោន្ត ភោន្តា ភវ ភវា ភវំ, ភោន្តោ ភោន្តា ភវន្តោ ភវន្តា. ភោន្តាទេសបក្ខេ ដ+ដា+អំអាទេសា ពហុលាធិការា ន ហោន្តិ. ភវំ ភវន្តំ, ភោន្តេ ភវន្តេ. ភោតា ភោន្តេន ភវតា ភវន្តេន, ភវន្តេហិ ភវន្តេភិ. ភោតោ ភោន្តស្ស ភវតោ ភវស្ស ភវន្តស្ស, ភវតំ ភវន្តានំ. ភវតា ឥច្ចាទិ គច្ឆន្តសមំ.

ភោឥតិ អាមន្តណេ និបាតោ, ‘‘កុតោ នុ អាគច្ឆថ ភោ តយោ ជនា’’តិ ពហុវចនេបិ ទស្សនតោ. ឯវំ ភន្តេតិ. ភទ្ទេតិ ភទ្ទសទ្ទន្តរេន សិទ្ធំ. ភទ្ទន្តឥតិ ទស្ស ទ្វិភាវេន.

សំ សន្តោ, សន្តោ សន្តា. ភោ ស សា សំ, សន្តោ សន្តា. សំ សន្តំ ‘‘សំយោគាទិលោបោតិ នស្ស លោបេ ‘‘យំ យញ្ហិ រាជ ភជតិ, សន្តំ វា យទិ វា អសំ’’, សន្តេ. សតា សន្តេន.