សង្គហ មហាដីកា បាឋ

គន្ថារព្ភកថា

[ក]

ឧទយា យស្ស ឯកស្ស, សទ្ធម្មរំសិ ជាលិនោ;

បពុជ្ឈិំសុ ជនម្ពុជា, ជាតិក្ខេត្តេ មហាសរេ.

[ខ]

វន្ទាមិ តំ មហាសូរំ, មហាមោហ តមោនុទំ;

សញ្ជាតំ សោ ហទយេ មយ្ហំ, តមោខន្ធំ បនូទតំ.

[គ]

បោរាណកេហិ វិញ្ញូហិ, វណ្ណិតា វណ្ណនា ពហូ;

ទិស្សន្តិ ឥធ លោកម្ហិ, អភិធម្មត្ថសង្គហេ.

[ឃ]

ន តាហិ តុដ្ឋិំ វិន្ទន្តិ, យេ សារត្ថា ភិមានិនោ;

តេ មំ សង្គម្ម យាចន្តិ, បរមត្ថស្ស ទីបនំ.

[ង]

មហណ្ណវេ រតនានិ, ឧទ្ធរិត្វា ទិបវាសិនំ;

យថិច្ឆកំបិ ទជ្ជេយ្យុំ, ន វត្តព្ពាវ ឩនតា.

[ច]

តថេវេត្ថ វិបុលត្ថា, អណ្ណវេ រតនូបមា;

សតក្ខត្តុំបិ វណ្ណេយ្យុំ, បរិយាទិន្នា ន ហេស្សរេ.

[ឆ]

តស្មា តាសុ វណ្ណនាសុ, សារមាទាយ វណ្ណនំ;

នានាសារត្ថ សម្បុណ្ណំ, ឧត្តាន បទព្យញ្ជនំ.

[ជ]

នាតិសង្ខេប វិត្ថារំ, មន្ទពុទ្ធិប្បពោធនំ;

ករិស្សំ តំ បរមត្ថេសុ, សុណន្តុ បាដវត្ថិនោតិ.