បទមញ្ជរី |ឱ០.០០០១|

នមោ តស្ស ភគវតោ អរហតោ សម្មាសម្ពុទ្ធស្ស

និរុត្តិកាយោទធិបារគំ ជិនំ,

វិសុទ្ធធម្មញ្ច គណំ អនុត្តរំ;

តិធា នមិត្វា បទមញ្ជរី មយា,

ករីយតោ ពាលកពុទ្ធិវុទ្ធិយាតិ.

អថ អការន្តបុល្លិង្គោ ពុទ្ធសទ្ទោ វុច្ចតេ.

ពុទ្ធោ ទេវមនុស្សានំ ធម្មំ ទេសេសិ

ពុទ្ធា ទេវមនុស្សានំ ធម្មំ អទេសិំសុ

ភោ ពុទ្ធ ត្វម្បិខោ មំ បាលយ

ភោ ពុទ្ធា តុម្ហេបិ ខោ មំ បាលេថ.

ពុទ្ធំ ភគវន្តំ សក្កច្ចំ វន្ទាមហំ

ពុទ្ធេ ភគវន្តេ សក្កច្ចំ វន្ទាម មយំ

ពុទ្ធេន ភគវតា ធម្មោ ទេសីយតេ

ពុទ្ធេហិ ភគវន្តេហិ ធម្មោ ទេសិតោ

ពុទ្ធេន ភគវតា មហាជនោ សុចរតិ

ពុទ្ធេហិ ភគវន្តេហិ សិវបទំ យន្តិ

ពុទ្ធស្ស ភគវតោ បុប្ផំ យជតិ

ពុទ្ធានំ ភគវតំ បុប្ផានិ យជតិ

ពុទ្ធា ភគវតា សិវបទំ លភេយ្យ

ពុទ្ធេហិ ភគវន្តេហិ បភា និច្ឆរតិ

ពុទ្ធស្ស ភគវតោ ឥទ្ធិ កិំ ន ករេ

ពុទ្ធានំ ភគវន្តានំ ឥទ្ធិបាដិហារិយានិ

ពុទ្ធេ ភគវន្តេ មហាជនោ បសីទតិ.

ពុទ្ធេសុ ភគវន្តេសុ មនំ បតិដ្ឋិតំ.

ឥតិ បឋមោ បាឋោ.

អការន្តបុល្លិង្គោ អត្តសទ្ទោ វុច្ចតេ.

អត្តា សំសារទុក្ខំ បាបុណាតិ

អត្តានោ សុខទុក្ខំ បាបុណន្តិ

ភោ អត្ត សុខទុក្ខំ អនុភោសិ

ភោ អត្តនោ សុខទុក្ខំ អនុភោថ

អត្តានំ បស្សតិ ពុទ្ធោ ភគវា

អត្តានោ |ឱ០.០០០២| បស្សតិ សម្មា សម្ពុទ្ធោ

អត្តនា សុខទុក្ខំ អនុភុត្តំ

អត្តនេហិ កម្មផលំ អនុភុត្តំ

អត្តនា សំសារសុខំ នាម នត្ថិ

អត្តនេហិ ភវសុខំ នាម នត្ថិ

អត្តនោ អត្តាវ បតិដ្ឋា សិយា

អត្តានំ កម្មមេវ បតិដ្ឋា សិយា

អត្តនាបិ មហព្ភយំ ឧប្បជ្ជតិ

អត្តនេហិ មហព្ភយានិ ជាយន្តិ

អត្តនោ មាតាបិតរោ ហោន្តិ

អត្តានំ បញ្ចគតិយោ ហោន្តិ

អត្តនិ សព្ពំ ពលំ ហរតិ រោគោ

អត្តនេសុ សព្ពំ ពលំ ហរន្តិ រោគា.

ឥតិ ទុតិយោ បាឋោ.

អការន្ត បុល្លិង្គោ រាជសទ្ទោ វុច្ចតេ.

រាជាបិ មហាជនំ តោសេតិ

រាជានោ មហាជនំ តោសេន្តិ

ភោ រាជា មហាជនំ បាលយ

ភោ រាជានោ មហាជនំ បាលេថ

រាជានំ បស្សតិ មហាជនោ

រាជានោ បស្សន្តិ មហាជនា

រញ្ញា ការីយតេ មហាបាសាទោ

រាជូហិ ការាបិតា មហាវិហារា

រញ្ញា មហាជនោ សុខំ ចរតិ

រាជូហី មហាជនា សុខំ ចរន្តិ

រញ្ញោ បណ្ណាការំ ទេតិ មហាជនោ

រាជូនំ បណ្ណាការំ ទេន្តិ មហាជនា

រញ្ញា មហព្ភយំ ឧប្បជ្ជតិ

រាជូហិ មហព្ភយានិ ឧប្បជ្ជន្តិ

រញ្ញោ វប្បមង្គលំ ហោតិ

រាជូនំ សព្ពាភរណានិ ហោន្តិ

រញ្ញេ មហាជនោ បន បសីទតិ

រាជុសុ មហាជនា បន បសីទន្តិ.

ឥតិ តតិយោ បាឋោ.

អការន្តបុល្លិង្គោ គុណវត្តុសទ្ទោ វុច្ចតេ.

គុណវា បុរិសោ សុន្ទរំ និព្ពាណំ គតោ

គុណវន្តោ |ឱ០.០០០៣| បុរិសា សុន្ទរំ និព្ពាណំ គតា

ភោ គុណវំ បុរិស ត្វម្បិ ទានំ ទេហិ

ភោ គុណវន្តោ បុរិសា តុម្ហេ ទានំ ទេថ

គុណវន្តំ បុរិសំ ធម្មំ ពោធេតិ អាចរិយោ

គុណវន្តេ បុរិសេ ធម្មំ បាឋយតិ អាចរិយោ

គុណវន្តេន បុរិសេន ការិតោ វិហារោ

គុណវន្តេហិ បុរិសេហិ ការិតា វិហារា

គុណវន្តេន បុរិសេន លោកោ សុចរតិ

គុណវន្តេហិ បុរិសេហិ លោកា សុចរន្តិ

គុណវតោ បុរិសស្ស សក្ការំ ករោតិ

គុណវតំ បុរិសានំ សក្ការំ ករោន្តិ

គុណវតា បុរិសស្មា ភយំ នូប្បជ្ជតិ

គុណវន្តេហិ បុរិសេហិ ភយានិ នូប្បជ្ជន្តិ

គុណវតោ បុរិសស្ស កិត្តិសទ្ទោ អង្គុគ្គច្ឆតិ

គុណវតំ បុរិសានំ គុណឃោសោ ហោតិ

គុណវន្តេ បុរិសេ មេ រមតិ មតោ

គុណវន្តេសុ បុរិសេសុ សប្បុរិសោ បសីទតិ.

ឥតិ ចតុត្ថោ បាឋោ.

អការន្តបុល្លិង្គោ គច្ឆន្តសទ្ទោ វុច្ចតេ.

គច្ឆំ យញ្ញទត្តោ បុរិសំ ភារំ ហារយតិ

គច្ឆន្តា យញ្ញទត្តា បុរិសំ កម្មំ ការយន្តិ

ភោ គច្ឆំ យញ្ញទត្ត ត្វំ មំ បាលយ

ភោ គច្ឆន្តា យញ្ញទត្តា មំ បាលេថ

គច្ឆន្តំ យញ្ញទត្តំ កម្ពលំយាចយតិ ទ្វិជោ

គច្ឆន្តេ យញ្ញទត្តេ កម្ពលំ យាចយតិ ទ្វិជោ

គច្ឆតា យញ្ញទត្តេន រុក្ខោ បុប្ផានិ អវចីយតេ

គច្ឆន្តេហិ យញ្ញទត្តេហិ រុក្ខោ បុប្ផានិ អវចិតោ

គច្ឆតា យញ្ញទត្តេន កោចិ មគ្គំ ជានាតិ

គច្ឆន្តេហិ យញ្ញទត្តេហិ កេចិមគ្គំ ជានន្តិ

គច្ឆតោ យញ្ញទត្តស្ស ឆត្តំ ធារយតេ

គច្ឆតំ យញ្ញទត្តានំ ឆត្តានិ ធារយន្តេ

គច្ឆតា យញ្ញទត្តស្មា ភយំ នូប្បជ្ជតិ

គច្ឆន្តេហិ យញ្ញទត្តេហិ ភយានិ នូប្បជ្ជន្តិ

គច្ឆតោ យញ្ញទត្តស្ស ឆត្តោ ហោតិ

គច្ឆតំ យញ្ញទត្តានំ អាភរណានិ ហោន្តិ

គច្ឆន្តេ យញ្ញទត្តេ កោចិ បសីទតិ

គច្ឆន្តេសុ យញ្ញទត្តេសុ កេចិ បសីទន្តិ.

ឥតិ |ឱ០.០០០៤| បញ្ចមោ បាឋោ.

ឥការន្តបុល្លិង្គោ អគ្គិសទ្ទោ វុច្ចតេ.

អគ្គិ បន កដ្ឋមង្គារំ ករោតិ

អគ្គយោ កដ្ឋមង្គារំ ករោន្តិ

ភោ អគ្គិ ត្វំ សីតំ វិនោទេហិ

ភោ អគ្គី តុម្ហេ សីតំ វិនោទេថ

អគ្គិំ និព្ពាបេតិ យោ កោចិ

អគ្គយោ និព្ពាបេន្តិ យេ កេចិ

អគ្គិនា កោចិ អការោ ទឌ្ឍោ

អគ្គីហិ កេចិ អគារា ទឌ្ឍា

អគ្គិនា កិញ្ចិ អាគារំ ឈាបេតិ

អគ្គីហិ កេចិ អគារេ ឈាបេតិ

អគ្គិនោ ឧបាទានំ ទទាតិ ព្រាហ្មណោ

អគ្គីនំ ឧបាទានំ ទទន្តិ ព្រាហ្មណា

អគ្គិនា ធូមោ អបេតិ និច្ចំ

អគ្គីហិ’ធូមាបិ អបេន្តិ និច្ចំ

អគ្គិនោ អាលោកោ ច ហោតិ

អគ្គីនំ អាលោកាបិ ហោន្តិ

អគ្គិម្ហិ យោ កោចិ បសីទតិ

អគ្គីសុ យេ កេចិ បសីទន្តិ.

ឥតិ ឆដ្ឋោ បាឋោ.

ឥការន្តបុល្លិង្គោ អាទិសទ្ទោ វុច្ចតេ.

អាទិ ពន្ធីយតេ សមគ្គេន សង្ឃេន

អាទយោ ពន្ធីយន្តេ សមគ្គេហិ ភិក្ខុហិ

ភោ អាទិ ត្វំ ទីឃកាលំ បវត្តេហិ

ភោ អាទី តុម្ហេ ទីឃកាលំ បវត្តេថ

អាទិំ បស្សតិ សមគ្គោ សង្ឃោ ច

អាទយោ បស្សតិ ភិក្ខុ សង្ឃោ ច

អាទិនា បរិសុទ្ធេន បន ភូយតេ

អាទីហិ បរិសុទ្ធេហិ បន ភូយតេ

អាទិនា សមគ្គោ សង្ឃោ សុចរតិ

អាទីហិ ភិក្ខុ សង្ឃោ សុចរតិ

អាទិនោ កោចិ ឧបករណំ ទេតិ

អាទីនំ កេចិ ឧបករណំ ទេន្តិ

អាទិនា សមគ្គោ សង្ឃោ អបេតិ

អាទីហិ ភិក្ខុ’សង្ឃោ អបេតិ

អាទិស្ស |ឱ០.០០០៥| ឧបការិកា ខោ បន ហោតិ

អាទីនំ ឧបការិកាយោបិ ហោន្តិ

អាទិម្ហិ សមគ្គោ សង្ឃោ និសីទតិ

អាទីសូ ភិក្ខុ សង្ឃោបិ និសីទតិ.

ឥតិ សត្តមោ បាឋោ.

ឦការន្តបុល្លិង្គោ ទណ្ឌីសទ្ទោ វុច្ចតេ.

ទណ្ឌី បុរិសោបិ ទណ្ឌំ ឆឌ្ឌេតុ

ទណ្ឌិនោ បុរិសា ទណ្ឌំ ឆឌ្ឌេន្តុ

ភោ ទណ្ឌី បុរិស ទណ្ឌំ ឆឌ្ឌេហិ