បទសាធនំ |ឱ០.០០០១|

នមោ តស្ស ភគវតោ អរហតោ សម្មាសម្ពុទ្ធស្ស

ពុទ្ធម្ពុជំ នមស្សិត្វា សទ្ធម្មមធុ ភាជនំ,

គុណមោបទបទំ សង្ឃមធុព្ពតនិសេវិតំ;

មោគ្គល្លាយនាចរិយ ចរញ្ច យេន ធីមតា,

កតំ លឃុមយន្ទិទ្ធមនុនំ សទ្ទលក្ខណំ;

អារភិស្សំ សមាសេន ពាលត្ថំ បទសាធនំ,

មោគ្គល្លាយនសទ្ទត្ថរតនាករបទ្ធតិំ;

សញ្ញាបរិគ្គហេនេវ លក្ខណេសុ សរាទយោ,

ញាយន្តិតិ តមេវាទោ ទស្សយិស្សំ វិភាគតោ;

អអាទយោ តិតាឡីស វណណា.

ជិនវចនានុរូបា អការទេយោ និគ្គហិតន្តា តេចត្តាឡី សក្ខរា បច្ចេកំ វណ្ណា នាម ហោន្តិ យថា - អ អា ឥ ឦ ឧ ឩ ឯ ឱ ក ខ គ ឃ ង ច ឆ ជ ឈ ញ ដ ឋ ណ ត ថ ទ ធ ន ប ផ ព ភ ម យ រ ល វ ស ហ ឡ អំ ឥតិ-កការាទិស្វការោ ឧច្ចារណត្ថោ = វណណីយតិ អត្ថោ ឯតេហីតិ វណ្ណា-អអាទិ មរិយាទា ភូតោ យេសន្តោ អអាទយោ.

អអាទយោតិ វត្តតេ យាវ ‘‘ពិន្ទុនិគ្គហីត’’ន្តិ-តញ្ចខោអត្ថ វសា វិភត្តិចីបរិនាមោតិ សត្តម្យន្តមភិសម្ពន្ធីយតេ.

ទសាទោ សរា

អអាទិស្វាទិម្ហិ និទ្ទិដ្ឋា ឱទន្តា ទសវណ្ណា សរា នាម ហោន្តិ-យថា-អ អា ឥ ឦ ឧ ឩ ឯ ឱ = សរន្តិ បវត្តន្តីតិ សរា-ទសា ទោតិ វត្តតេ តីសុ ចក្កមានេសុ.

ទ្វេ ទ្វេ សវណ្ណា.

អអាស្វាទិមេសុ ទស្សុ ទ្វេ ទ្វេ សវណ្ណា នាម ហោន្តិ. យថាក្កមំ-យថា-អអា ឥតិ, ឧឩ ឥតិ, ឯ ឥតិ, ឱ ឥតិ = សមានា សាទិសា វណ្ណា សវណ្ណា-សមានត្តញ្ច ឋានតោ.

ឆ វណ្ណានំហិ ឧប្បត្តិដ្ឋានានិ កណ្ឋាតាលុមុទ្ធទន្តឱដ្ឋានា សិកាវសេន-តេសុ អវណ្ណកវគ្គហានំ កណ្ឋោឋានំ-ឥវណ្ណ ចវគ្គយានំ តាលុ-ដវគ្គរឡានំ មុទ្ធា-តវគ្គលសានំ ទន្តា-ឧ វណ្ណបវគ្គានំ ឱដ្ឋា-ឯវណ្ណស្ស កណ្ឋតាលុ-ឱវណ្ណស្ស កណ្ឋោដ្ឋំ-វការស្ស |ឱ០.០០០២| ទន្តោដ្ឋំ-និគ្គហិតស្ស នាសិកា-ងញណនមានំ សកដ្ឋានំ នាសិកា ច-ទ្វេទ្វេតិ វត្តតេ.

បុព្ពោ រស្សោ

តេស្ចេវ ទសសុ យេ ទ្វេ ទ្វេ សវណ្ណា តេសុ យោ យោ បុព្ពោ សោ សោ រស្សសញ្ញោ ហោតិ-យថា-អ ឥ ឧ ឯ ឱ-តេសុ សំយោគ បុព្ពាច ទិស្សន្តិ ទ្វេ បនន្តិមា ទីបេតុំ តត្ថ សាធុត្តំ តេសម្បិ ឥធ សង្គហោ = រស្សកាលយោគា តព្ពន្តតាយ វា រស្សា-តថា ទីឃា-ឥធាបិទ្វេទ្វេតិ វត្តតេ.

បរោ ទីឃោ.

អអាទិស្វាទិភុតេសុ ទសសុ យេ ទ្វេ ទ្វេ សវណ្ណា តេសុ យោ យោ បរោ សោ សោ ទីឃសញ្ញោ ហោតិ-យថា-អា ឦ ឩ.

កាទយោ ព្យញ្ជនា.

អអាទិសុ កាទយោ និគ្គហីតបរិយន្តា តេត្តិំស ព្យញ្ជនានាម ហោន្តិ-យថា-ក ខ គ ឃ ង ច ឆ ជ ឈ ញ ដ ឋ ឌ ណ ត ថ ទ ធ ន ប ផ ព ភ ម យ រ លវ ស ហ ឡ អំ = ព្យញ្ជីយតិ អត្ថោ ឯតេហីតិ ព្យញ្ជនា-កាទយោតិ វត្តតេ.

បញ្ច បញ្ចកា វគ្គា.

អអាទសុ កការាទយោ មការន្តា បញ្ច បញ្ចកា វគ្គា នាម ហោន្តិ-យថា-កខគឃង, ចឆជឈញ, ដឋឌឍណ, តថទធន, បផពភម. = វជ្ជេន្តិ យការាទយោតិ វគ្គា.

ពិន្ទុ និគ្គហិតំ

អការាទីសុយវាយំ វណ្ណោ ពិន្ទុមត្តោ សោ និគ្គហិតសញ្ញោហោតិ = រស្សសរំ និស្សាយ គហិតមុច្ចារិតំ និគ្គហីតំ.

សញ្ញា វិធានំ.

សន្ធិ វុច្ចតេ-បុរិស ឧត្តមោ, បញ្ញា ឥន្ទ្រិយំ. សតិអារក្ខោ,ភោគិ ឥន្ទោ, ចក្ខុ អាយតនំ, អភិភុ អាយតនំ, ធនម្មេ អត្ថិ, កុតោ ឯត្ថា’ តិធ-សរោ លោបោ សរេ.

សរោ សរោ លោបនីយោ ហោតិ-សរេតោបសិលេសិកាធារសត្តមី តតោ វណ្ណកាលវ្យវធានេ ការិយំ ន ហោតិ-ត្វមសិ, កតមា ចានន្ទ អនិច្ចសញ្ញា’តិ-អញ្ញត្ថាបិ សំហតាយមោបសិលេសកាធា រេយេវ សត្តមី-វិធីតិ វត្តមានេ.

សត្តមិយំ បុព្ពស្ស.

សត្តមីនិទ្ទេសេ បុព្ពស្សេវ វិធិតិ បុព្ពសរលោបោ-បុរិសុត្តមោ,បញ្ញិន្ទ្រិយំ, សតារក្ខោ, ភោគិន្ទោ, ចក្ខាយតនំ. អភិភាយតនំ, ធនម្មត្ថិ, កុតេត្ថ. បុព្ពស្ស |ឱ០.០០០៣| ការិយវិធានា សត្តមីនិទ្ទិដ្ឋស្ស បរតាវ គម្យតេតិ បរេតុបរិវចនម្បិ ឃដតេ-សោ អហំ, ចត្តារោ ឥមេ, យតោ ឧទកំ, បាតោ ឯវំ’តីធ-‘‘សរោ លោបោ សរេ’’តិ វត្តតេ.

បរោ ក្វចិ.

សរម្ហា បរោ សរោ ក្វចិ លោបនីយោ ហោតិ-សោហំ, ចត្តារោមេ, យតោទកំ. បាតោច-ក្វចិតិកិំ?-បញ្ញិន្ទ្រិយំ-អស្សាធិការោ សព្ពសន្ធិសុ-តស្ស ឥទំ, តស្ស ឥទំ, វាត ឦរិតំ, វាត ឦរិតំ, សីត ឧទកំ, សីត ឧទកំ, វាម ឩរុ,វាម ឩរុ, ឥតិធ-បុព្ពសរ លោបេ-សរេ វេតិ ច វត្តតេ.

យុវណណានម្ញោ លុត្តា.

លុត្តា សរាបរេសំ ឥវណ្ណវណ្ណានំ ញោ ហោន្តិ វាយថាក្កមំ.

វណ្ណបរេន សវណ្ណេបិ.

វណ្ណសទ្ទោ បរោ យស្មា តេន សវណ្ណោបិ គយ្ហតិ សយំ ចេតិ ឦ ឩ នម្បិ ឯ ឱ-តស្សេទំ, តស្សិទំ-វាតេរិតំ. វាតិរិតំ-សីតោទកំ, ‘‘ព្យញ្ជនេ ទីគរស្សា’’តិ ទីឃេ-សីតុទកំ-វាមោរុ,វាមូរុ-លុត្តេតិកិំ-ទស ឥមេ.

អតិប្បសង្គពាធកស្ស ក្វចិសទ្ទស្សានុវត្តនតោ ន វិកប្បវិធី និយតា-តេន ឧបេតោ’តិ ឯវមាទីសុ វិកកេប្បា នារកិតាទិសុ វិធិ ច ន ហោតិ-ចិ អកាសិ, ចិ អកាសិ. សុ អាគតំ, សុ អាគតំ’តិធយុវណ្ណានំ វេ’តិ ច វត្តតេ.

យវា សរេ.

សរេ បរេ ឥវ ណ្ណុវណ្ណានំ យការវការា ហោន្តិ វា យថាក្កមំ-អការស្ស ទីឃេ-វ្យាកាសិ, ‘‘វនតរគាវា គាមា’’តិ យាគមេ-វិយាកាសិ-ស្វាគតំ. សាគតំ-ក្វចិត្វេវ-យានីធ.

តេ អជ្ជ, តេ អជ្ជ, សោ អយំ, សោ អយំ, ឥតីធ-‘‘យវាសរេ’’ ‘វេ’តិ ច វត្តតេ.

ញោនំ

ញោនំ យការវការា ហោន្តិ វា សរេ បរេ យថាក្កមំ.

ត្យជ្ជ, តេជ្ជ-‘‘ព្យញ្ជនេ ទីឃរស្សា’’តិទីឃេ-ស្វាយំ, សោយំ.

ក្វចីត្វេវ-ធនម្មត្ថី-គោ ឯឡកមិតិធ-សរេ’តិ វត្តតេ.

គោស្សាវង.

សរេ បរេ គោស្ស អវង អាទេសោ ហោតិ-សច‘‘ដនុពន្ធានេក វណ្ណាសព្ពស្សា’’តិ សព្ពស្សប្បសង្គេ-អន្តស្សេ’តិ វត្តមានេ.

ងនុ ពន្ធោ.

ងការោនុពន្ធោ យស្ស សោ នេកវណ្ណោបិ អន្តស្ស ហោតិតិ औការស្សេវ ហោតិ,-‘‘សង្កេតោនវយវោនុ ពន្ធោ’’តិវចនា ងការស្សាប្បយោគោ-បយោជនំ‘‘ងនុពន្ធោ’’តិ សង្កេតោ-គវេឡកំ.

ឥតិ |ឱ០.០០០៤| ឯវ, ឥតិ ឯវា ‘‘តីធ-

វិតិស្សេវេ វា

ឯវសទ្ទេ បរេ ឥតិស្ស វោ ហោតិ វា-សច.

ឆដ្ឋិយន្តស្ស.

ឆដ្ឋិនទ្ទិដ្ឋស្ស យំ ការិយំ តទន្តស្ស វិញ្ញេយ្យន្តិ ឥការស្សាទេសោ ហោតិ = ឋានីនមាមទ្ទិយទិស្សតិ ឧច្ចារិយតិ’តិ អាទេសោ-ឥត្វេវ, អញ្ញត្រ យាទេសេ-‘‘តវគ្គវរណនំ យេ ចវគ្គពយញា’’តិ តការស្ស វោ-‘‘វគ្គលយេហិ តេ’’តិ យស្ស ច ចការោ, ឥច្ចេវ-ទុ អង្គិកំ, ចិ ឥត្វា, អជ្ជ អគ្គេ, បាតុ អហេសុំ, បា ឯវ, ឥធ ឥជ្ឈតិ, បរិ អន្តំ, អត្ត អត្ថមិតិធ-‘‘មយទាសរេ’’តិ វត្តតេ.

វតតរគា ចាគមា.

ឯតេ មយទា វាគមា ហោន្តិ វា សរេ ក្វចិ,-អាគមិនោ អនិយមេបិ សរោយេវាគមី ហោតិ វនាទិនន្តុ ញាបកា-អញ្ញថាហិ បទាទីនំ យុក្វីធាន មនត្ថកំ-ទុវង្គិកំ, ចិនិត្វា, អជ្ជតគ្គេ, បាតុរហេសុំ, -‘‘ព្យញ្ជនេទីឃរស្សា’’តិ រស្សេ-បគេវ, ឥធមិជ្ឈតិ, បរិយន្តំ, អត្តទត្ថំ-វាត្វេវ-អត្តត្ថំ.

ឆ អភិញ្ញា, ឆ អភិញ្ញា,’តីធ-វា សរេ អាគមោ’តិ ច វត្តតេ.

ឆា ឡោ.

ឆ សទ្ទា បរស្ស សរស្ស ឡការោ អាគមោ ហោតិ វា-ឆឡភិញ្ញា, ឆអភិញ្ញា.

សរសន្ធិ.

កញ្ញា ឥវ-កញ្ញា ឥវា តីធ-បុព្ពបរសរានំ លោបេ សម្បត្តេ-សរោ បរោតិ ច វត្តតេ.

នទ្វេវា.

បុព្ពបរសរា ទ្វេបិ វា ក្វចិ ន លុប្យន្តេ-កញ្ញាឥវ, កញ្ញេវ, កញ្ញាវ.

សរសន្ធិ និសេធោ.

តត្រ អភិរតិ, ខន្តិ បរមំ, សម្មា អក្ខាតោ’តីធ-

ព្យញ្ឆនេ ទីឃរស្សា.

រស្សទីឃានំ ក្វចិ ទីឃរស្សា ហោន្តិ ព្យញ្ជនេ-តត្រាភិរតិ, ខន្តីបរមំ,’ សម្មទក្ខាតោ’ តិទាគមេ រស្សោ-ក្វចីត្វេច-ត្យជ្ជ-កថំ យានិវ អន្តលិក្ខេ’តិ -ទីឃរស្សាតិ យោគវិភាគា.

ចិ គហោ, តតិយ ឈានំ. វិ ខោបោ, ឥតិធ-ព្យញ្ជនេ’តិ វត្តតេ.

សរម្ហា ទ្វេ.

សរម្ហា បរស្ស ព្យញ្ជនស្ស ក្វចិ ទ្វេរូបានិ ហោន្តិ-វិគ្គហោ.

ចតុត្ថ |ឱ០.០០០៥| ទុតិយេស្វេសំ តតិយ បឋមា.

ចតុត្ថទុតិយេសុ បរេស្វេសំ ចតុត្ថទុតិយានំ តព្ពគ្គេ តតិយ បឋមា ហោន្តិ បច្ចាសត្យាតិ បុព្ពឈការខការានំ ជការកករា-តតិយជ្ឈានំ, វិក្ខេបោ-សរម្ហា’តិកិំ?-តំ វនំ. អករម្ភសេតេ, អករម្ភសេតេ, ឯសោ អត្ថោ, ឯសោ អត្ថោ, ឥតិធ-ចេ’តិវត្តតេ.

ឯ ឱ ន ម វណ្ណេ.

ឯ ឱ នំ វណ្ណេ ក្វចិ អ ហោតិ វា-អករម្ភសនេ, អករម្ហ សេតេ-ឯសអត្ថោ, ឯសោអត្ថោ-វណ្ណេតិកិំ?-សោ.

សរព្យញ្ជនសន្ធិ.

អត យន្តំ. តថ យំ. មទ យំ, ពុធិ យតិ, ធន យំ. សេវ យោ, បយេសនា, បោក្ខរណ យោ, ឥតិធ-

តវគ្គវរណនំយេ ចវគ្គខយញា.

តវគ្គវរណនំ ចវគ្គពយញា ហោន្តិ យថាក្កមំ យការេ, ‘‘វគ្គលសេហិ តេ’’តិ វគ្គា បរស្ស យស្ស បុព្ពរូបំ-អច្ចន្តំ. តច្ឆំ, មជ្ជំ, ពុជ្ឈតិ, ធញ្ញំ, សេព្ពោ, បយ្យេសនា, បោក្ខរញ្ញោ-ក្វចីត្វេច, មត្យា-យេតិ វត្តតេ វក្ខមានេសុ តីសុ. សក យតេ, រុច យតេ, បដ្យតេ, លុប្យតេ, សល្យតេ, ទិស្យតេ’តីធ.

វគ្គលសេហិ តេ

វគ្គលសេហិ បរស្ស យការស្ស ក្វចិ តេ វគ្គលសា ហោន្តិ.

សក្កតេ, រុច្ចតេ,បដ្ដតេ, លុប្បតេ, សល្លតេ, ទិស្សតេ. ក្វចិត្វេវ-ក្យាហំ-មុហ = យតី’តីធ-

ហស្ស វិបល្លាសោ

ហស្ស វិបល្លាសោ ហោតិ យការោ-មុយ្ហតិ,

ពហុអាពាធោ, ពហុ អាពាធោ’តីធ-ឧស្សវការេ ‘‘ហស្ស វិបល្លាសោ’’តិ វត្តតេ.

វេវា.

ហស្ស វិបល្លាសោ ហោតិវា វការេ-ពវ្ហាពាធោ, ពហ្វាពាធោ.

ព្យញ្ជន សន្ធិ.

អក្ខិរុជតិ. អក្ខិរុជតី’តីធ-វេតិ វត្តតេ យាវ‘‘មយទាសរេ’’តិ.

និគ្គហិតំ.

និគ្គហីតមាគមោ ហោតិវា ក្វចិ = ឋានីនមាលិង្គិយ គច្ឆតិ បវត្តតី’តិ អាគមោ-អក្ខិំ រុជតិ,អក្ខិ រុជតិ-‘‘យាវទ្វិធា’’តិ អាទោ និច្ចំ វវត្ថិត វិភាសត្តា វាធិការស្ស-វាសទ្ទោ ហិ អត្ថវយេ វត្តតេ កត្ថចិ វិកប្បេ កត្ថចិ យថាវវត្ថិតរូប បរិគ្គហេតិ-យទា បច្ឆិមេ តទា នច្ចមនិច្ចមសន្តញ្ច វិធិំ ទីបេតិ-ឯត្ថ បន ក្វ ចិសទ្ទស្សានុ |ឱ០.០០០៦| វត្តនតោ តេនេវាសន្តវិធិ សិទ្ធោ’តិ វាសទ្ទេ និតរទ្វយំ-សំ រម្ហោ, សំរម្ហោ, បុំ លិង្គំ,បុំ លិង្គមិតីធ-និគ្គហីតាធិការោ អា ‘‘មយទា សរេតិ’’.

លោបោ.

និគ្គហីតស្ស លោបោ ហោតិ វា ក្វចិ-ទីឃទិត្តានិ, សារម្ហោ, សារម្ហោ-បុល្លិង្គំ, បុំលិង្គំ-បដិសល្លាណេ បាតុកាមោ’តិអាទិសុ និច្ចំ-បុប្ផំ អស្សា, បុប្ផំ អស្សា, កិំ ឥតិ, កិំ ឥតី’តីធ-

បរសរស្ស.

និគ្គហីតម្ហា បរស្ស សរស្ស លោបោ ហោតិ វា ក្វចិ.

សំយោគាទិ លោបោ.

អនន្តរា ព្យញ្ជនា សំយោគោ-អត្រ យោ អាទភុតាវយវោ តស្ស វា ក្វចិ លោបោ ហោតី’តិ សស្សាទិស្ស លោបោ-បុប្ផំសា, ‘‘មយទា សរេ’’តិ និគ្គហីតស្ស មការោ-បុប្ផមស្សា, ‘‘វគ្គេ វគ្គ’ន្តោ’’តិ នោ នគ្គហីតស្ស-កិន្តិ, កិមិតិ.

តំ ខ ណំ, តំ ខណំ, ធម្មំ ចរេ, ធម្មំ ចរេ, តំ ឌហតិ, តំ ឌហតិ, តំ ទានំ, តំ ទានំ, តំ ផលំ, តំ ឯលមិតីធ-

វគ្គេ វគ្គន្តោ.

នគ្គហីតស្ស ខោ វគ្គេ វគ្គន្តោ វា ហោតិ បច្ចាសត្យា-តង្កណំ,តំខណំ-ធម្មញ្ចរេ, ធម្មំចរេ-តណ្ឌហតិ, តំឌហតិ-តន្ទានំ, តំទានំ-តម្ផលំ, តំផលំ-គន្ត្វា សម្មតោតិ’អាទិសុ និច្ចំ-អានន្តរិកំ យមាហុ, អានន្តរិកំ យមាហុ, បច្ចត្តំ ឯវ, បច្ចត្តំ ឯវ, តញ្ហិ. តញ្ហិ, ឥតិធ-

យេវហិសុញ្ញោ.

យឯវហិសទ្ទេសុ និគ្គហីតស្សញោ វា ហោតិ-‘‘វគ្គលសេហិ តេ’តិ យស្ស ញការេ-អានន្តរិកញ្ញ មាហុ. អានន្តរិកំ យមាហុ, ញស្ស ទ្វិត្តេ-បច្ចត្តញ្ញេវ, បច្ចត្តំឯវ-តញ្ហិ, តំហី-ឯវ សទ្ទសហចរិយាយេតិ យសទ្ទស្សេវ គហណំ-សំយតោ, សំយតោ’តីធ

យេ សំស្ស

សំសទ្ទស្ស យំ និគ្គហីតំ តស្ស វា ញោ ហោតិ យការេ-

សញ្ញតោ, សំយតោ-ឥធយការមត្តោវ គយ្ហតេ បុនព្ពចនា.

តំ ឯវ, តំ ឯវ, តំ ឥទំ, តំ ឥទំ, តំ ឥមិនា, តំ ឥមិនាតីធ-

មយទាសរេ.

និគ្គហីតស្ស មយទា ហោន្តិ វា សរេ ក្វចិ-តមេវ, តំឯវ-តយិទំ’ តំឥទំ-តទមិនា, តំ ឥមិនា ឯត្ថ-‘‘តទមិនាទីនី’’តិនិបាតនា ឥការស្ស អការោ-លក្ខណន្តរេនាវិហិតាទេសលោបាគមវិបល្លាសា សព្ពត្ថ ឥមិនាវ ទដ្ឋព្ពា-តេន និជកោ. និយកោ,’តិអាទិ សិទ្ធំ-ពុទ្ធម សរណមិច្ចាទិសុ យោគវិភាគា.

និគ្គហិត សន្ធិ.

អថ |ឱ០.០០០៧| នាមានិ វុច្ចន្តេ.

តានិ វិវិធានិ សលិគាលិគវសេន-តត្ថ សលិគេយុ តាវ អការន្តតោ បុល្លិង្គា ពុទ្ធសទ្ទា សត្តវិភត្តិយោ បរា យោជីយន្តោ-ពុទ្ធ ឥតិ ឋិតេ.

ទ្វេ ទ្វេ កានេកេសុ នាមស្មា សិយោ អំយោ នាហិ យនំ ស្មាសនំ ស្មិំសុ

ឯតេសំ ទ្វេទ្វេ ហោន្តិ ឯកានេកត្ថេសុ វត្តមានតោ នាម ស្មាតិ យថាក្កមំ ឯកម្ហិ ចត្តព្ពោ ឯកវចនានំ ពហុម្ហិ វត្តព្ពេ ពហុវចនានំ ចាតិយមេនប្បយង្គេ-នាមស្មា’តិអធិការោ.

បឋមាត្ថមត្តេ

សកត្ថទព្ពលិង្គានិ សង្ខ្យាកម្មាទិបញ្ចកំ

នាមត្ថោ តស្ស សាមញ្ញមត្តមត្តំ បវុច្ចតេ.

នាមស្សាភិធេយ្យ មត្តេ បឋមាវិភត្តិ ហោតិ’តិ វត្តិច្ឆាវសា បឋមាយេកវចនពហុវចនានិ.

សិយោឥតិ បឋមា, សិស្សិការស្សានុពន្ធត្តប្បេយោគោ-បយោជនំ‘‘កិ មំ សីសូ’’តិ សង្កេតោ-តថា អំ វចនស្សការស្ស-សិ-អតោ’តិ វត្តតេ-តស្ស នាមវិសេសនត្តា ‘‘វិធិព្ពិសេសនន្តស្សា’’តិ តទន្តតោ វិធិ.

សិស្សោ.

អការន្តតោ នាមស្មា បរស្ស សិស្ស ឱហោតិ-បុព្ពសរលោបោ ពុទ្ធោ តិដ្ឋតិ-យោ.

អតោ យោនំ ដាដេ.

អការន្តតោ នាមស្មា បរេសំ បឋមាទុតិយាយោនំ ដាដេ ហោន្តិ យថាក្កមំ-ដការានុពន្ធត្តា‘‘ដនុពន្ធានេកវណ្ណា សព្ពស្សា’’តិ សព្ពាទេសោ-ពុទ្ធា តិដ្ឋន្តិ. ‘បឋមាត្ថមត្តេ’’តិវត្តតេ.

អាមន្តណេ.

សទ្ទេនាភិមុខី ការោ វិជ្ជមានស្ស វត្ថុនោ

អាមន្តណំ វិធាតព្ពេ នត្ថិ រាជា ភវេតិ តំ;

អាមន្តណធិកេ អត្ថមត្តេ បឋមា វិភត្តិ ហោតី’តិ ឯកស្មិំ ឯកវចនំ សិ.

គោស្យាលបណេ.

អាលបណេ សិ គសញ្ញោ ហោតិ-លោបោ’តិ វត្តតេ

គសីនំ.

នាមស្មាគសីនំលោបោហោតិ-ភោពុទ្ធមំបាលយ-គេ’តិវត្តតេ.

អយុនំ វា ទីឃោ.

ऐឧ ឥច្ចេសំ វា ទីឃោ ហោតិ គេបរេ តិលិង្គេ’តិទីឃោ-ពុទ្ធា, កេចិ ទីឃំ ទូរាលបណេ យេវិច្ឆន្តិ សមីបាលបណេបិ ទស្សតោ តំ ន គហេតព្ពំ-យោម្ហិ,-ពុទ្ធា មំ បាលេថ.

កម្មេ |ឱ០.០០០៨| ទុតិយា

កត្តុក្រិយាភិសម្ពន្ធំ ការកំ កម្មមុច្ចតេ;

និព្ពត្តិ វិកតិប្បត្តិ ភេទា តំ តិវិធំ ភវេ.

អស្មិំ ទុតិយា វិភត្តិហោតិ-អំយោ ឥតិ ទុតិយា-អំ-ពុទ្ធំបណមាមិ, យោស្សដេ-ពុទ្ធេ.

កត្តុករណេសុ តតិយា.

ក្រិយំ យោ កុរុតេ មុខ្យោ ស កត្តា យោជិតោ ន វា ករណំ តំ វិសេសេន យំ ក្រិយាសិទ្ធិហេតុកំ.

តេសុ ការកេសុ តតិយា វិភត្តិ ហោតិ-នាភិ ឥតិ តតិយា-នា-នាស្សា’តិ វត្តតេ.

អតេន

អការន្តតោ នាមស្មា បរស្ស នាវចនស្ស ឯនាទេសោ ហោតិ-ពុទ្ធេន ទេសិតោ ធម្មោ-ហិ-

សុហិស្វសេស.

អការន្តស្ស សុហីស្វេហោតិ-ពុទ្ធេហិ-វេ’តិ វត្តតេ.

ស្មាហិស្មិន្នំ ម្ហាភីម្ហិ.

នាមស្មា បរេសំ ស្មាហិស្មិន្នំ ម្ហាភីម្ហិ វា ហោន្តិ យថាក្កមំ-ហិស្ស ភិយាទេសោ-ពុទ្ធេភី, ករណេ-ពុទ្ធេន លោកោ សុចរតិ, ពុទ្ធេហិ, ពុទ្ធេហិ, វា.

ចតុត្ថី សម្បទានេ.

អនុមន្ត្វនិរាកត្តុជ្ឈេសកានំ វសា តធា;

ទទាតិ កម្មនា យុត្តំ សម្បទានមុទិរិតំ.

តស្មិំ សម្បទានការកេ ចតុត្ថិ សិយា-សនំ ឥតិ ចតុត្ថី-ស.