៩៣. យោសុ

ដាទេសោ-តិប្បសជ្ជតីតិ កស្មា វុត្តំ ននុ តទន្តស្ស សមុទាយស្ស បត្តេ ‘‘ឆដ្ឋិយន្តស្សា’’តិ (១-១៧) អន្តស្សេវ ហោតិ, តថាសតិ នេវាតិប្បសង្គោ, តស្មា កស្មាតិប្បសជ្ជតីតិ វុត្តន្តិ, សច្ចំ, តថាបិ ‘ឈិស្សា’តិ វត្តុំ សក្កុណេយ្យត្តេ ឥស្សាតិ វុត្តត្ត [វុត្តន្ថិ] សាមត្ថិយតោ តទន្តស្ស ដាទេសោ-តិប្បសជ្ជតីតិ តថា វុត្តន្តិ, ននុ ‘ឈិស្សា’តិ វុត្តេបិ សោវាតិប្បសង្គោ តទវត្ថោយេវាតិ សច្ចំ, តថាបិ យទិ សមុទាយស្ស ដាទេសោ-ភិមតោ សិយា ‘តថា សតិ កិំ ឈគ្គហណេន ឥស្សត្វេវ វទេយ្យាតិ នាតិប្បសជ្ជតីតិ, ឈគ្គហណេ នាមន្តេ ឥការស្សេវ ឈសញ្ញត្តាតិ ឥទំ បន វិសេសនត្តេន វត្តុ មនិច្ឆិតេ យុជ្ជតិ.