៤៧. នម្ហិ

‘‘អាគមា តគ្គុណីភូតា តគ្គហណេន គយ្ហន្តី’’តិ បរិភាសា វចនមេតំ តត្ថ តគ្គុណីភូតាតិ តស្មិំ អាគមិម្ហិ គុណីភូតា, អវយវវសេន បច្ឆា ភវន្តោ អមុខ្យភូតា, តគ្គហណេនាតិ អាគមិគ្គហណេន តគ្គហណេន គហណតោតិ អាគមិភូតស្ស នំ ឥច្ចស្ស គហណេន គហណតោ, ‘នម្ហិ វិភត្តិម្ហិ’តិ តុ វត្តព្ពំ, វិបល្លាសោ វា ឯត្ថ ទដ្ឋព្ពោ.

(៤៩) ឥការស្សេវវាតិអាទិនា វុត្តមេវ វិវរតិ តិស្ស ឥច្ចាទិនា, តស្ស តិស្ស, និទ្ទិដ្ឋត្តាតិ តិស្ស និទ្ទិដ្ឋត្តា, ‘‘នម្ហិ តិចតុន្នមិត្ថិយំ តិស្ស ចតស្សា’’តិ (២-២០) តិស្សាទេសោ ‘‘នម្ហិ នុក ទ្វាទីនំ សត្តរសន្ន’’ន្តិ (២-៤៧) នុក, តិស្សន្នំ.