៤៤. សស្សាយ

សុញិតិ ញការោ កិមត្ថោតិ អាហ-‘ញការោ’តិអាទិ, អសតិ ហិ ញការេ‘ញានុពន្ធោ’តិ ញការេន វិសេសនេន សុការោ ន វិសេសី យេយ្យ សតិយេវ តស្មិំ តេន សោ វិសេសីយេយ្យ, តស្មា ‘‘ញកានុពន្ធាទ្យន្តា’’តិ សុត្តេ ‘ញកានុពន្ធា’តិ វិសេសនំ វិសេសនភាវោ អត្ថោ បយោជនំ យស្ស សោ វិសេសនត្ថោ, ពហុលំ វចនេនានភិមតមនវសេសំ វវត្ថាបីយតីតិ វុត្តិយំ ‘‘ភិយ្យោ’’ត្យាទិកមុបទិដ្ឋន្តិ ទស្សេតុមុបក្កមតេ ‘សាមញ្ញេនា’តិអាទិនា, ឆដ្ឋី ភវតីតិ (សេ)សោ, ននុច អត្ថសទ្ទេនាញ្ញបទត្ថសមាសេ កថំ ចតុត្ថ្យត្ថោ-វសីយតីតិ វុច្ចតេ, ចតុត្ថីឯកវចនេ អត្តត្ថ’ន្តិ ឯត្ថ សទ្ធម្មសវនាទិកមត្តនិមិត្តន្តិ យោ-ត្ថោ, សោ ចត្ថោ-ញ្ញ បទត្ថេបិ, តស្សា-ញ្ញបទត្ថភូតស្សាបិ អត្តា អត្ថោ បយោជនម្ភវតិ និមិត្តភាវេនាតិ នាត្ថភេទោតិ ត ឯត ឥមវជ្ជិតានំ សព្ពាទីនន្តិ ត ឯតឥមសទ្ទេហិ ឯវ វជ្ជិតានមញ្ញេសំ សព្ពាទីនំ, បដិសិទ្ធេសុបិ កស្សចិ អាទេសោ ទិស្សតីតិ ទស្សេតុមាហ‘តសទ្ទស្ស ចា’តិ.