៤០. តុល្យ

អនភិមតាតិ ‘តុល្យត្ថេហ្យតុលោបមាហិ តតិយាញ្ញតរិស្ស’ន្តិ (២-៣-៧២) សុត្តេន តុលោបមាហិ អញ្ញេហិ តុល្យត្ថេហិ យោគេ តតិយាយ វិធីយមានត្តា បាណិនិយានំ អនភិមតា, យស្មា សទិសា ភាវា តេសំ នោបមាតិ ‘អជ្ជុនស្ស តុលា នត្ថី’ត្យាទិកមុច្ចតេ, តស្មា ឯវំ យថាវុត្តនយេនាតិ តទេវន្តីមស្ស អត្ថោ វេទិតព្ពោ, តទេវន្តិ វា និបាតសមុទាយោ យថាវុត្តនិទស្សនត្ថោ, តុល្យេសូតិ សទិសេសុ, តថាវុត្តាតិ អជ្ជុនស្សតុលានត្ថីត្យាទិនា តេន បការេន វុត្តា.