២១៩. យោម្ហិ

យោម្ហីតិ សត្តម្យន្តជាតិនិទ្ទេសា លព្ភមានត្ថវសេន ‘បច្ចេក’ន្តិ វុត្តិយំ វុត្តំ, តេនេវាហ បញ្ចិកាយំ- ‘កថមិទមវសីយតេ យោម្ហីតិ និទ្ទេសា’តិ, តស្សទានិ អត្ថម្បកាសេតុំ ‘បច្ចេកន្តិ ឯកេកស្មិ’ន្តិអាទិ វុត្តំ. ឯកេកស្មិំ យោម្ហិ ទ្វិន្នំ អាទេសានំ សម្ភវា អាទេសីនម្បិ ពហុត្តសម្ភវោតិ សុត្តេ ‘ទ្វិន្ន’ន្តិ ពហុវចននិទ្ទេសោ, វុត្តិយម្បន បច្ចេកំ យោម្ហិ បច្ចេកំ ទ្វិសទ្ទសម្ភវា ‘ទ្វិស្សា’តិ វុត្តំ, ទុតិយាយម្បិ ទុវេ ទ្វេ.