១៩៧. ឥមេ

អាទេសោ កថនំ, អន្វាទេសោ-នុកថនមិច្ចាហ-‘អន្វាទេសោ កថិតានុកថន’មីតិ, កថិតស្សានុកថនំ កថិតានុកថនំ, អនេន ច នេហ បច្ឆា ឧច្ចារណមត្តមន្វាទេសោ, កិញ្ចរហិ ឯកស្សាភិធេយ្យស្ស បុព្ពសទ្ទេន បដិបាទិតស្ស ទុតិយម្បតិបាទនមន្វាទេសោតិ វទតិ, តេនេហ ន ភវតិ ‘ទេវទត្តំ ភោជយ, ឥមញ្ច យញ្ញទត្ត’ន្តិ, កេនចិ វិសេសន្តរយោគេន កថិតស្សានុកថនំ អន្វាទេសោតិ សម្ពន្ធោ. កថម្បន វិសេសន្តរយោគោ គម្យតេច្ចាហ- ‘សាមត្ថិយា’តិ, កេនចិ វិសេសេនាយោគេ វុត្តស្សេវ បុនព្ពចនានុបបជ្ជនំ សាមត្ថិយំ, តេនេវាហ- ‘អញ្ញថេ’ច្ចាទិ.