១៤៨. ន្តស្សំ

សត្តម្យន្តំ ភវតីតិ សេសោ, ននុចន្តស្សាតិ វុត្តេ ន្តន្តុប្បច្ចយោវាវសីយតិ, ន តទន្តវិធីតិ [ន្តន្តុប្បច្ចយោវ នាវសីយតិ, តទន្តវិធិបីតិ បាឋេន ភវិតព្ពំ] អាហ- ‘ន្តប្បច្ចយ ស្សេវេ’ច្ចាទិ, សុតត្តាតិ សោតវិញ្ញាណេន គហិតត្តា បច្ចក្ខត្តាតិ វុត្តំ ហោតិ, អនុមិតស្ស ‘‘វិធិព្ពិសេសនន្តស្សា’’តិ (១-២៦) លិង្គតោ តទន្តសង្ខាត អត្ថទស្សនសង្ខាតអនុមានញ្ញាណេន វិញ្ញាតស្សាតិ អត្ថោ.