១. សិក្ខសុត្តំ

៨៣. ‘‘បញ្ចិមានិ, ភិក្ខវេ, សិក្ខាទុព្ពល្យានិ. កតមានិ បញ្ច? បាណាតិបាតោ…បេ… សុរាមេរយមជ្ជបមាទដ្ឋានំ – ឥមានិ ខោ, ភិក្ខវេ, បញ្ច សិក្ខាទុព្ពល្យានិ.

‘‘ឥមេសំ ខោ, ភិក្ខវេ, បញ្ចន្នំ សិក្ខាទុព្ពល្យានំ បហានាយ ចត្តារោ ឥទ្ធិបាទា ភាវេតព្ពា. កតមេ ចត្តារោ? ឥធ, ភិក្ខវេ, ភិក្ខុ ឆន្ទសមាធិបធានសង្ខារសមន្នាគតំ ឥទ្ធិបាទំ ភាវេតិ, វីរិយសមាធិ… ចិត្តសមាធិ… វីមំសាសមាធិបធានសង្ខារសមន្នាគតំ ឥទ្ធិបាទំ ភាវេតិ. ឥមេសំ ខោ, ភិក្ខវេ, បញ្ចន្នំ សិក្ខាទុព្ពល្យានំ បហានាយ ឥមេ ចត្តារោ ឥទ្ធិបាទា ភាវេតព្ពា’’តិ. បឋមំ.

៨៤-៩១. (យថា សតិបដ្ឋានវគ្គេ តថា ឥទ្ធិបាទវសេន វិត្ថារេតព្ពា.)