១. ខេមសុត្តំ

៥២. ‘‘‘ខេមំ ខេម’ន្តិ, អាវុសោ, វុច្ចតិ. កិត្តាវតា នុ ខោ, អាវុសោ, ខេមំ វុត្តំ ភគវតា’’តិ?

‘‘ឥធាវុសោ, ភិក្ខុ វិវិច្ចេវ កាមេហិ…បេ… បឋមំ ឈានំ ឧបសម្បជ្ជ វិហរតិ. ឯត្តាវតាបិ ខោ, អាវុសោ, ខេមំ វុត្តំ ភគវតា បរិយាយេន…បេ….

‘‘បុន ចបរំ, អាវុសោ, ភិក្ខុ សព្ពសោ នេវសញ្ញានាសញ្ញាយតនំ សមតិក្កម្ម សញ្ញាវេទយិតនិរោធំ ឧបសម្បជ្ជ វិហរតិ, បញ្ញាយ ចស្ស ទិស្វា អាសវា បរិក្ខីណា ហោន្តិ. ឯត្តាវតាបិ ខោ, អាវុសោ, ខេមំ វុត្តំ ភគវតា និប្បរិយាយេនា’’តិ. បឋមំ.