១០. សម្មាវត្តនសុត្តំ

៩០. [ចូឡវ. ២១១] ‘‘តស្សបាបិយសិកកម្មកតេន, ភិក្ខវេ, ភិក្ខុនា អដ្ឋសុ ធម្មេសុ សម្មា វត្តិតព្ពំ – ន ឧបសម្បាទេតព្ពោ, ន និស្សយោ ទាតព្ពោ, ន សាមណេរោ ឧបដ្ឋាបេតព្ពោ, ន ភិក្ខុនោវាទកសម្មុតិ សាទិតព្ពា, សម្មតេនបិ ភិក្ខុនិយោ ន ឱវទិតព្ពា, ន កាចិ សង្ឃសម្មុតិ សាទិតព្ពា, ន កិស្មិញ្ចិ បច្ចេកដ្ឋានេ ឋបេតព្ពោ, ន ច តេន មូលេន វុដ្ឋាបេតព្ពោ. តស្សបាបិយសិកកម្មកតេន, ភិក្ខវេ, ភិក្ខុនា ឥមេសុ អដ្ឋសុ ធម្មេសុ សម្មា វត្តិតព្ព’’ន្តិ. ទសមំ.

សតិវគ្គោ ចតុត្ថោ.