៨. សន្តុដ្ឋិតាសុត្តំ

១១៤. ‘‘តយោមេ, ភិក្ខវេ, ធម្មា. កតមេ តយោ? អសន្តុដ្ឋិតា, អសម្បជញ្ញំ, មហិច្ឆតា. ឥមេ ខោ, ភិក្ខវេ, តយោ ធម្មា. ឥមេសំ ខោ, ភិក្ខវេ, តិណ្ណំ ធម្មានំ បហានាយ តយោ ធម្មា ភាវេតព្ពា. កតមេ តយោ? អសន្តុដ្ឋិតាយ បហានាយ សន្តុដ្ឋិតា ភាវេតព្ពា, អសម្បជញ្ញស្ស បហានាយ សម្បជញ្ញំ ភាវេតព្ពំ, មហិច្ឆតាយ បហានាយ អប្បិច្ឆតា ភាវេតព្ពា. ឥមេសំ ខោ, ភិក្ខវេ, តិណ្ណំ ធម្មានំ បហានាយ ឥមេ តយោ ធម្មា ភាវេតព្ពា’’តិ. អដ្ឋមំ.