៩. ទោវចស្សតាសុត្តំ

១១៥. ‘‘តយោមេ, ភិក្ខវេ, ធម្មា. កតមេ តយោ? ទោវចស្សតា, បាបមិត្តតា, ចេតសោ វិក្ខេបោ. ឥមេ ខោ, ភិក្ខវេ, តយោ ធម្មា. ឥមេសំ ខោ, ភិក្ខវេ, តិណ្ណំ ធម្មានំ បហានាយ តយោ ធម្មា ភាវេតព្ពា. កតមេ តយោ? ទោវចស្សតាយ បហានាយ សោវចស្សតា ភាវេតព្ពា, បាបមិត្តតាយ បហានាយ កល្យាណមិត្តតា ភាវេតព្ពា, ចេតសោ វិក្ខេបស្ស បហានាយ អានាបានស្សតិ ភាវេតព្ពា. ឥមេសំ ខោ, ភិក្ខវេ, តិណ្ណំ ធម្មានំ បហានាយ ឥមេ តយោ ធម្មា ភាវេតព្ពា’’តិ. នវមំ.