៥. ធាតុសុត្តំ

១១១. ‘‘តយោមេ, ភិក្ខវេ, ធម្មា. កតមេ តយោ? កាមធាតុ, ព្យាបាទធាតុ, វិហិំសាធាតុ. ឥមេ ខោ, ភិក្ខវេ, តយោ ធម្មា. ឥមេសំ ខោ, ភិក្ខវេ, តិណ្ណំ ធម្មានំ បហានាយ តយោ ធម្មា ភាវេតព្ពា. កតមេ តយោ? កាមធាតុយា បហានាយ នេក្ខម្មធាតុ ភាវេតព្ពា, ព្យាបាទធាតុយា បហានាយ អព្យាបាទធាតុ ភាវេតព្ពា, វិហិំសាធាតុយា បហានាយ អវិហិំសាធាតុ ភាវេតព្ពា. ឥមេសំ ខោ, ភិក្ខវេ, តិណ្ណំ ធម្មានំ បហានាយ ឥមេ តយោ ធម្មា ភាវេតព្ពា’’តិ. បញ្ចមំ.