៦. អស្សាទសុត្តំ

១១២. ‘‘តយោមេ, ភិក្ខវេ, ធម្មា. កតមេ តយោ? អស្សាទទិដ្ឋិ, អត្តានុទិដ្ឋិ, មិច្ឆាទិដ្ឋិ. ឥមេ ខោ, ភិក្ខវេ, តយោ ធម្មា. ឥមេសំ ខោ, ភិក្ខវេ, តិណ្ណំ ធម្មានំ បហានាយ តយោ ធម្មា ភាវេតព្ពា. កតមេ តយោ? អស្សាទទិដ្ឋិយា បហានាយ អនិច្ចសញ្ញា ភាវេតព្ពា, អត្តានុទិដ្ឋិយា បហានាយ អនត្តសញ្ញា ភាវេតព្ពា, មិច្ឆាទិដ្ឋិយា បហានាយ សម្មាទិដ្ឋិ ភាវេតព្ពា. ឥមេសំ ខោ, ភិក្ខវេ, តិណ្ណំ ធម្មានំ បហានាយ ឥមេ តយោ ធម្មា ភាវេតព្ពា’’តិ. ឆដ្ឋំ.