៤. សញ្ញាសុត្តំ

១១០. ‘‘តយោមេ, ភិក្ខវេ, ធម្មា. កតមេ តយោ? កាមសញ្ញា, ព្យាបាទសញ្ញា, វិហិំសាសញ្ញា. ឥមេ ខោ, ភិក្ខវេ, តយោ ធម្មា. ឥមេសំ ខោ, ភិក្ខវេ, តិណ្ណំ ធម្មានំ បហានាយ តយោ ធម្មា ភាវេតព្ពា. កតមេ តយោ? កាមសញ្ញាយ បហានាយ នេក្ខម្មសញ្ញា ភាវេតព្ពា, ព្យាបាទសញ្ញាយ បហានាយ អព្យាបាទសញ្ញា ភាវេតព្ពា, វិហិំសាសញ្ញាយ បហានាយ អវិហិំសាសញ្ញា ភាវេតព្ពា. ឥមេសំ ខោ, ភិក្ខវេ, តិណ្ណំ ធម្មានំ បហានាយ ឥមេ តយោ ធម្មា ភាវេតព្ពា’’តិ. ចតុត្ថំ.