៣. វិតក្កសុត្តំ

១០៩. ‘‘តយោមេ, ភិក្ខវេ, ធម្មា. កតមេ តយោ? កាមវិតក្កោ, ព្យាបាទវិតក្កោ, វិហិំសាវិតក្កោ. ឥមេ ខោ, ភិក្ខវេ, តយោ ធម្មា. ឥមេសំ ខោ, ភិក្ខវេ, តិណ្ណំ ធម្មានំ បហានាយ តយោ ធម្មា ភាវេតព្ពា. កតមេ តយោ? កាមវិតក្កស្ស បហានាយ នេក្ខម្មវិតក្កោ ភាវេតព្ពោ, ព្យាបាទវិតក្កស្ស បហានាយ អព្យាបាទវិតក្កោ ភាវេតព្ពោ, វិហិំសាវិតក្កស្ស បហានាយ អវិហិំសាវិតក្កោ ភាវេតព្ពោ. ឥមេសំ ខោ, ភិក្ខវេ, តិណ្ណំ ធម្មានំ បហានាយ ឥមេ តយោ ធម្មា ភាវេតព្ពា’’តិ. តតិយំ.