២. ទុច្ចរិតសុត្តំ

១០៨. ‘‘តយោមេ, ភិក្ខវេ, ធម្មា. កតមេ តយោ? កាយទុច្ចរិតំ, វចីទុច្ចរិតំ, មនោទុច្ចរិតំ. ឥមេ ខោ, ភិក្ខវេ, តយោ ធម្មា. ឥមេសំ ខោ, ភិក្ខវេ, តិណ្ណំ ធម្មានំ បហានាយ តយោ ធម្មា ភាវេតព្ពា. កតមេ តយោ? កាយទុច្ចរិតស្ស បហានាយ កាយសុចរិតំ ភាវេតព្ពំ, វចីទុច្ចរិតស្ស បហានាយ វចីសុចរិតំ ភាវេតព្ពំ, មនោទុច្ចរិតស្ស បហានាយ មនោសុចរិតំ ភាវេតព្ពំ. ឥមេសំ ខោ, ភិក្ខវេ, តិណ្ណំ ធម្មានំ បហានាយ ឥមេ តយោ ធម្មា ភាវេតព្ពា’’តិ. ទុតិយំ.