១. អនាគាមិផលសុត្តំ

៦៥. ‘‘ឆ, ភិក្ខវេ, ធម្មេ អប្បហាយ អភព្ពោ អនាគាមិផលំ សច្ឆិកាតុំ. កតមេ ឆ? អស្សទ្ធិយំ, អហិរិកំ, អនោត្តប្បំ, កោសជ្ជំ, មុដ្ឋស្សច្ចំ, ទុប្បញ្ញតំ – ឥមេ ខោ, ភិក្ខវេ, ឆ ធម្មេ អប្បហាយ អភព្ពោ អនាគាមិផលំ សច្ឆិកាតុំ.

‘‘ឆ, ភិក្ខវេ, ធម្មេ បហាយ ភព្ពោ អនាគាមិផលំ សច្ឆិកាតុំ. កតមេ ឆ? អស្សទ្ធិយំ, អហិរិកំ, អនោត្តប្បំ, កោសជ្ជំ, មុដ្ឋស្សច្ចំ, ទុប្បញ្ញតំ – ឥមេ ខោ, ភិក្ខវេ, ឆ ធម្មេ បហាយ ភព្ពោ អនាគាមិផលំ សច្ឆិកាតុ’’ន្តិ. បឋមំ.