១. ឧបសម្បាទេតព្ពសុត្តំ

២៥១. [មហាវ. ៨៤] ‘‘បញ្ចហិ, ភិក្ខវេ, ធម្មេហិ សមន្នាគតេន ភិក្ខុនា ឧបសម្បាទេតព្ពំ. កតមេហិ បញ្ចហិ? ឥធ, ភិក្ខវេ, ភិក្ខុ អសេខេន សីលក្ខន្ធេន សមន្នាគតោ ហោតិ; អសេខេន សមាធិក្ខន្ធេន សមន្នាគតោ ហោតិ; អសេខេន បញ្ញាក្ខន្ធេន សមន្នាគតោ ហោតិ; អសេខេន វិមុត្តិក្ខន្ធេន សមន្នាគតោ ហោតិ; អសេខេន វិមុត្តិញាណទស្សនក្ខន្ធេន សមន្នាគតោ ហោតិ. ឥមេហិ ខោ, ភិក្ខវេ, បញ្ចហិ ធម្មេហិ សមន្នាគតេន ភិក្ខុនា ឧបសម្បាទេតព្ព’’ន្តិ. បឋមំ.